واشنگٹن: ۵ اگست (ایجنسیز) امریکی حکام کا کہنا ہے کہ وائٹ ہاو¿س کے قریب بجلی گرنے سے چار افراد کی حالت کی تشویشناک ہے۔ فرانسیسی خبر رساں ادارے اے ایف پی کے مطابق جمعرات کو واشنگٹن کے فائر اینڈ ایمرجنسی ڈیپارٹمنٹ کے ایک بیان میں کہا گیا ہے کہ وائٹ ہاو¿س کے ایک قریبی پارک میں آسمانی بجلی گرنے سے دو مرد اور دو خواتین شدید زخمی ہوئے ہیں۔ چاروں افراد کو مقامی ہسپتال منتقل کیا گیا ہے۔ سوشل میڈیا پر شیئر ویڈیوز میں دیکھا جا سکتا ہے کہ جائے وقوعہ پر متعدد ایمبولینسز اور ایک فائر بریگیڈ کی ایک گاڑی موجود تھی۔ جمعرات کی شام کو واشنگٹن میں گرج چمک کے ساتھ شدید طوفانی بارشیں ہوئیں۔ واشنگٹن کے فائر اینڈ ایمرجنسی ڈیپارٹمنٹ کے ترجمان ویتو میگیئلو نے کہا ہے کہ وائٹ ہاو¿س کے سیکرٹ سروس کے افسران اور پارک پولیس نے ان کو طبی امداد فراہم کرنے کے لیے ایمرجنسی سروس سے رابطہ کیا۔