تھائی لینڈ کے نائٹ کلب میں آگ لگنے سے 13 افراد ہلاک

بنکاک :۵ اگست (ایجنسیز) تھائی لینڈ کے ایک نائٹ کلب میں آگ لگنے سے کم از کم 13 افراد ہلاک اور 40 زخمی ہو گئے۔ سوانگ روزناتھماساتھن ریسکیو فاو¿نڈیشن کے ایک اہلکار نے نام ظاہر نہ کرنے کی شرط پر بتایا کہ آگ رات تقریباً ایک بجے صوبہ چونبوری کے ضلع ستہپ کے ماو¿نٹین بی نائٹ اسپاٹ پر لگی جو بنکاک سے تقریباً 150 کلومیٹر جنوب میں واقع ہے۔ریسکیو سروس کی طرف سے پوسٹ کی گئی ویڈیو فوٹیج میں لوگوں کو کلب سے چیختے ہوئے بھاگتے ہوئے دکھایا گیا ہے، ان کے کپڑے جل گئے تھے کیونکہ پیچھے بہت زیادہ آگ لگی ہوئی تھی۔ریسکیو سروس نے کہا کہ کلب کی دیواروں پر آتش گیر صوتی جھاگ کی وجہ سے آگ میں تیزی آئی اور فائر فائٹرز کو اس پر قابو پانے میں تین گھنٹے سے زیادہ کا وقت لگا۔سروس نے بتایا کہ مرنے والوں میں چار خواتین اور نو مرد شامل ہیں جو داخلی دروازے اور باتھ روم میں پھنسنے سے مرے اور ان کی لاشیں بری طرح جلی ہوئی تھیں۔خیال کیا جاتا ہے کہ تمام متاثرین تھائی باشندے ہیں۔فلوٹا لوانگ پولیس اسٹیشن کے پولیس لیفٹیننٹ کرنل بونسونگ ینگ یونگ نےحادثے میں کسی غیرملکی کی موت نہیں ہوئی۔