پاکستان اور سعودی عرب کے اقتصادی تعلقات میں پیش رفت

چار منصوبوں کیلئے پاکستان کو 38 کروڑ20 لاکھ ڈالرفراہم کرنے کا فیصلہ
اسلام آباد ، 16 نومبر (ایجنسیز )پاکستان اور سعودی عرب اقتصادی تعلقات کے حوالے سے اہم پیش رفت کے بعد پاکستان اورسعودی عرب کے درمیان قرض معاملات طے پا گئے ۔پاکستان اور سعودی عرب کے درمیان طے پاگئے قرض کے معاملات میں سعودی عرب چار منصوبوں کیلئے پاکستان کو 38 کروڑبیس لاکھ ڈالرفراہم کرے گا۔ ذرائع کا کہنا ہے کہ سعودی فنڈز کیلئے ٹیکس چھوٹ کی سعودی شرط پوری کی جائے ، سعودی عرب نے 4 منصوبوں کیلئے پاکستان کو38 کروڑ20 لاکھ ڈالرز دینے کا فیصلہ کیا ہے ۔ذرائع کے مطابق سعودی عرب نے فنڈز فراہمی کو ٹیکس چھوٹ سے مشروط کیا ہے ، حکومت سعودی فنڈز کو ٹیکس چھوٹ دینے کیلئے ضروری اقدامات کررہی ہے ۔حکومتی ذرائع نے بتایا کہ پاکستان اور سعودی عرب جلد معاہدوں پر دستخط کریں گے ، سعودی ولی عہد کے متوقع دورہ پاکستان میں معاہدوں پر دستخط کا پلان ہے ۔