ملک میں کورونا کے 625 نئے معاملوں کی تصدیق

کسی مریض کی موت نہیں ، متاثرین کی مجموعی تعداد 44662141 ہو گئی
نئی دہلی، 08 نومبر (یو این آئی) ملک میں گزشتہ 24 گھنٹوں میں کورونا انفیکشن کے 625 نئے معاملے سامنے آنے کے ساتھ ہی متاثرین کی کل تعداد 4,46,62,141 ہو گئی ہے اور راحت کی بات یہ ہے کہ اس دوران کسی مریض کی موت نہیں ہوئی۔ صحت و خاندانی فلاح و بہبود کی مرکزی وزارت نے منگل کو کہا کہ ملک میں گزشتہ 24 گھنٹوں میں کووڈ-19 انفیکشن کی وجہ سے 1,119 مریضوں کی صحت میں بہتری آئی ہے ، جس سے کورونا سے صحت یاب ہونے والوں کی کل تعداد 4,41 ہو گئی ہے اور ایکٹو کیسز میں 494 کی کمی کے ساتھ ان کی کل تعداد کم ہو کر 14021 ہو گئی ہے ۔ ملک میں کورونا ایکٹیو ریٹ 0.03 فیصد ہے ۔ اس عرصے کے دوران کسی بھی مریض کی موت نہ ہونے سے اموات کی تعداد 5,30,509 پر برقرار ہے اور شرح اموات 1.19 فیصد اور صحت مند ہونے کی شرح 98.78 فیصد ہے ۔ وزارت کے مطابق ملک گیر ویکسینیشن مہم کے تحت اب تک کووڈ-19 کے خلاف ویکسین کی 219.74 کروڑ خوراکیں دی جا چکی ہیں۔ملک میں گزشتہ 24 گھنٹوں کے دوران ہماچل پردیش اور میگھالیہ میں ایکٹیو معاملوں کی تعداد میں اضافہ ہوا ہے ، دوسری ریاستوں اور مرکز کے زیر انتظام علاقوں میں ان کے معاملات میں کمی آئی ہے۔ مہاراشٹر میں پچھلے 24 گھنٹوں میں 35 فعال معاملوں کی کمی کے ساتھ ان کی کل تعداد 1,525 پر آ گئی ہے ۔ اس وبا سے چھٹکارا پانے والوں کی کل تعداد بڑھ کر 79,83,575 ہو گئی ہے اور مرنے والوں کی تعداد 1,48,394 ہے ۔ گجرات میں 32 معاملے کم ہونے کے بعد ان کی کل تعداد 421 پر آ گئی ہے اور اس وبا سے چھٹکارا پانے والوں کی تعداد 12,65,605 ہے اور مرنے والوں کی تعداد 11,040 ہے ۔ قومی راجدھانی میں کورونا کے 24 ایکٹو معاملے کم ہو کر 238 ہو گئے ہیں اور اس بیماری سے صحت یاب ہونے والوں کی تعداد 19,79,823 ہو گئی ہے ۔ مرنے والوں کی تعداد 26,513 پر مستحکم ہے ۔