بھارت میں ناکام رہی ‘لال سنگھ چڈھا’ عالمی سطح پر زیادہ کمائی کرنے والی ہندی فلم بنی

بھارت میں فلم ‘لال سنگھ چڈھا’ باکس ا?فس پر اپنا جادو بکھیرنے میں بھلے ہی ناکامیاب رہی ہو لیکن عالمی شائقین کی جانب سے فلم کو مثبت ردعمل مل رہا ہے۔ فلم نے رواں سال ریلیز ہوئی فلم گنگوبائی کاٹھیاواڑی اور دی کشمیر فائلز کو بین الاقوامی سطح پر شکست دے دی ہے۔ممبئی: عامر خان کی اداکاری والی فلم ‘لال سنگھ چڈھا’ سال 2022 کی سب سے زیادہ زیادہ زیر بحث فلم رہی ہے لیکن ٹکٹ کھڑکی پر فلم کی ناکامی نے ثابت کردیا کہ جب تک شائقین کی جانب سے منظوری نہ مل جائے تب چاہے فلم میں کتنا بڑا بھی اسٹار ہو وہ بھی فلم کو ناکام ہونے سے بچا نہیں سکتا۔ فلم کی ناکامی کی وجہ سوشل میڈیا پر فلم کے خلاف چلائی گئی بائیکاٹ مہم کو بھی سمجھا جارہا ہے۔ وہیں فلم کے لیے اچھی خبر یہ ہے کہ گھریلو باکس ا?فس پر خراب پرفارمنس کرنے والی عامر کی فلم نے عالمی بازار میں اچھی کمائی کی ہے۔گھریلو ٹکٹ کھڑکی پر 60 کروڑ سے کم کمائی کرنے والی فلم کو جہاں او ٹی ٹی پلیٹ فارم پر ریلیز کے لیے جدوجہد کا سامنا ہے وہیں عامر خان کی فلم بین الاقوامی سطح پر ایک اسٹار بن کر ابھری ہے۔ بالی ووڈ ہنگامہ کی رپورٹ کے مطابق عامر کی فلم نے بین الاقوامی سطح پر اچھی کمائی کرنے والی گنگوبائی کاٹھیاواڑی، دی کشمیر فائلز اور بھول بھولیا 2 جیسی ہندی فلموں کو پیچھے چھوڑ دیا ہے۔ عالی سطح پر فلم کی مجموعی کمائی 59.89 کروڑ روپے بتائی جارہی ہے۔اطلاع کے مطابق عامر چھ ماہ بعد ہی فلم کو او ٹی ٹی پلیٹ فارمز پر ریلیز کرنے کا ارادہ کر رہے تھے لیکن فلم کی خراب کمائی نے اس منصوبہ میں تبدیلی لاد ی ہے۔ خبر یہ تھی کہ بھارت میں فلم کی مایوس کن کمائی کی و جہ سے او ٹی ٹی پلیٹ فارم فلم کو ریلیز کرنے سے پیچھے ہٹ گئی تھی۔ لیکن فلم بین الاقوامی شائقین کو پسند ا?نے کے بعد چیزیں واپس پٹری میں ا?رہی ہیں۔واضح رہے کہ لال سنگھ چڈھا کو رکشا بندھن کے تہوار اور یوم ا?زادی کو دیکھتے ہوئے 11 اگست کو سینما گھروں میں ریلیز کیا گیا تھا۔ تاہم، اس سے عامر خان اور کرینہ کپور کی فلم کو کوئی فائدہ نہیں ہوا۔ فلم کی پہلے دن کی کمائی صرف 8.20 کروڑ روپے ہوئی اور تھیٹروں میں دو ہفتوں سے زیادہ وقت تک رہنے کے باوجود فلم کو 60 کروڑ روپے کے ہدف کو مکمل کرنے میں مشکل ہو رہی ہے۔ وہیں اس کے ساتھ ریلیز ہوئی فلم رکشا بندھن کی کمائی بھی بے حد مایوس کن رہی۔