ہوائی اڈوں پر بھیڑ بھاڑ کرنے کے اقدامات ، ایئر لائنزکوعملے کی تعیناتی میں اضافہ کرنے کی ہدایت

سرینگر/سول ایوی ایشن سیکیورٹی ریگولیٹر بیورو آف سول ایوی ایشن سیکیورٹی نے ایئر لائنز سے کہا ہے کہ وہ 10 دنوں میں مناسب افرادی قوت کو تعینات کریں تاکہ مسافروں کو اپنے سامان کے لیے ہوائی اڈوں پر انتظار نہ کرنا پڑے۔ریگولیٹر نے ایئر لائنز کو لکھا کہ پہلا بیگ بیگج بیلٹ پر طیارے کا انجن بند ہونے کے 10 منٹ میں پہنچ جانا چاہیے جبکہ آخری بیگ 30 منٹ کے اندرمسافر کو ملنا چاہئے ۔شہری ہوا بازی کی وزارت بڑے ہوائی اڈوں پر بھیڑ کے مسائل کی فعال طور پر نگرانی کر رہی ہے۔ پچھلے ہفتے، حکومت نے ممبئی ایئرپورٹ کو پروازیں کم کرنے پر مجبور کیا کیونکہ ہوائی اڈے نے ضرورت سے زیادہ سلاٹ دیے تھے جس کی وجہ سے بھیڑ ہو رہی تھی جس کی وجہ سے ہوائی جہاز 60 منٹ تک ہوائی اڈے کے اوپر منڈلا رہے تھے۔