شادی پورہ میں ٹرک کی اسکوٹی کوٹکر 21سالہ نوجوان لقمہ اجل

شمالی کشمیر کے بانڈی پورہ ضلع کے شادی پورہ سمبل علاقے میں ایک تیز رفتار ٹرک کی زد میں آکر ایک نوجوان اسکوٹی سوار لقمہ اجل بن گیا۔ پولیس نے اسکی تصدیق کرتے ہوئے بتایاکہ ہفتے کے روز سری نگربانڈی شاہراہ پر شادی پورہ سمبل کے نزدیک تیز رفتار ٹرک نے ایک اسکوٹی کو ٹکر مار دی جس کے نتیجے میں اسکوٹی سوار شدید زخمی ہو گیا۔انہوں نے بتایا کہ زخمی کو علاج کے لئے کیمونٹی ہیلتھ سینٹرسمبل منتقل کیا گیا، جہاں پہنچنے پر ڈاکٹروں نے اسکو مردہ قرار دے دیا۔پولیس کے مطابق متوفی کی شناخت21سالہ توصیف احمد گوروولد عبدالخالق گورو ساکنہ ننی نارہ سمبل کے طور پر کی گئی ہے۔دریں اثنا، پولیس نے اس سلسلے میں ایک کیس درج کر کے مزید تفتیش شروع کر دی ہے۔ پولیس ذرائع نے بتایا کہ ٹرک کو قبضے میں لے لیا گیا ہے، جبکہ اس کا ڈرائیور فرار ہے اور اسے پکڑنے کےلئے تلاش شروع کر دی گئی ہے۔