ملک میں کورونا سے 39 افراد ہلاک ، 19 ہزار 336 صحت یاب

مرنےوالوں کی مجموعی تعداد 526357 ، صحت یاب ہونےوالوں کی تعداد 43349778ہوگئی
نئی دہلی، ۱۳جولائی (یو این آئی) ملک میں کورونا وائرس کی وبا کے بڑھتے ہوئے معاملات کے درمیان گزشتہ 24 گھنٹوں میں اس بیماری کی وجہ سے 39 لوگوں کی موت ہوئی ہے ۔ اس کے ساتھ ہی 19,336 لوگ اس سے ٹھیک ہو چکے ہیں۔ صحت اور خاندانی بہبود کی مرکزی وزارت نے اتوار کو یہاں بتایا کہ صبح 7 بجے تک 204.25 کروڑ ویکسین دی گئی ہیں، جب کہ گزشتہ 24 گھنٹوں میں 31,36,029 ویکسین دی گئی ہیں۔ وزارت نے کہا کہ گزشتہ 24 گھنٹوں میں 19,673 نئے کیس رپورٹ ہوئے ہیں۔ اس کے ساتھ ہی ملک میں اس بیماری سے متاثرہ افراد کی تعداد 4,53,12,311 ہو گئی ہے ۔ اس دوران 19 ہزار 336 افراد کی شفایابی سے صحت یاب ہونے والوں کی کل تعداد 4 کروڑ 33 لاکھ 49 ہزار 778 ہو گئی ہے ۔ اس دوران مزید 39 مریضوں کی موت کے ساتھ اس بیماری سے مرنے والوں کی تعداد 526357 ہو گئی ہے ۔ملک میں کورونا انفیکشن کے نئے کیسز کی آمد سے ہفتہ وار انفیکشن کی شرح 4.88 فیصد ہو گئی ہے ، جب کہ یومیہ انفیکشن 4.96 فیصد ہے ۔