سال بدلا ہے حال بھی بدلنے چاہئے: راہل

ملک میں خواتین کی توہین ناقابل برداشت
سرینگر/02جنوری/سی این آئی// کانگریس پارٹی کے سابق صدر راہل گاندھی نے بتایا ہے کہ ملک کے حالات تب ہی بدل سکتے ہیں جب سرکار اپنی پالیسی تبدیل کرے گی ۔ انہوں نے بتایا کہ ملک میں خواتین کی توہین ہورہی اور سرکار اس معاملے پر خاموش ہے ۔ راہل گاندھی نے کہا کہ سال بدلنے سے کچھ نہیں ہوتا، تبدیلی کے لیے حالات کو بدلنا ضروری ہے۔ کرنٹ نیوز آف انڈیا کے مطابق کانگریس کے سابق صدر راہل گاندھی نے کہا ہے کہ ملک میں خواتین کی توہین ہو رہی ہے اور سماجی ہم آہنگی کی بنیاد کمزور ہوتی جا رہی ہے اس لیے سب کو مل کر اس کے خلاف آواز اٹھانی ہوگی۔ راہل گاندھی نے کہا کہ سال بدلنے سے کچھ نہیں ہوتا، تبدیلی کے لیے حالات کو بدلنا ضروری ہے۔ انہوں نے کہا کہ تبدیلی تب آئے گی جب حکومت اپنی پالیسیوں اور اپنی سوچ میں تبدیلی لائے گی۔ انہوں نے بتایا کہ خواتین کی توہین اور فرقہ وارانہ نفرت تب ہی رکے گی جب ہم سب اس کے خلاف ایک آواز میں کھڑے ہوں گے۔ سال بدلا ہے، حال بھی بدلو۔ اب بولنا ہوگا۔