جمنا ندی کی صفائی پر بی جے پی کا عام آدمی پارٹی پر حملہ

چھٹھ پوجا قریب ہے اور ہماری مائیں بہنیں جمنا جی میں بھگوان سوریہ کی آرادھنا کرنے یا ارگھیا دینے آئیں گی، وہ جمنا جی میں ڈبکی کیسے لگاسکیں گی: وریندر سچدیوا
بھارتیہ جنتا پارٹی کے دہلی ریاستی صدر وریندر سچدیوا نے جمنا ندی کی صفائی کو لے کر عام آدمی پارٹی اور ریاستی حکومت پر حملہ کرتے ہوئے کہا ہے کہ چھٹھ پوجا قریب ہے اور ہماری مائیں بہنیں جمنا جی میں بھگوان سوریہ کی آرادھنا کرنے یا ارگھیا دینے آئیں گی، وہ جمنا جی میں ڈبکی کیسے لگاسکیں گی۔مسٹر سچدیوا نے سوشل میڈیا پلیٹ فارم ‘ایکس’ پر کہا، "دہلی حکومت کے وزیر گوپال رائے جی نے میری صحت کی خواہش کی ہے ۔ میں ان کا شکریہ ادا کرتا ہوں لیکن میں ان سے کہناچاہتا ہوں کہ میرے لئے میری صحت سے زیادہ جمنا جی کی صفائی اہم ہے ۔ چھٹھ پوجا قریب ہے اور ہماری مائیں اور بہنیں جو جمنا جی میں بھگوان سوریہ کی آرادھنا کرنے یا سورج کو ارگھیا دینے جائیں گی، وہ کیسے ماں جمنا میں ڈبکیاں لے سکیں گی؟ انہوں نے کہا، میرے ایک ڈبکی نے بتادیا کہ اے اے پی کی بدعنوان حکومت نے ماں جمنا کا کیا حال کررکھا ہے ۔ میں دہلی کی اپنی ما¶ں بہنوں اور دہلی کے تمام لوگوں سے کہنا چاہتا ہوں کہ اب وقت آگیا ہے کہ ہمیں اس بدعنوان حکومت سے آزادی حاصل کرنی ہوگی۔ کجریوال کی سرپرستی میں اس بدعنوانی کو ختم کرنا ہماری ترجیح ہونی چاہئے ۔قابل ذکر ہے کہ مسٹر سچدیوا نے گزشتہ بدھ کو دہلی کے سابق وزیر اعلی اروند کیجریوال اور موجودہ وزیر اعلیٰ آتشی مارلینا اور اے اے پی لیڈروں کو چیلنج کرتے ہوئے جمنا میں ڈبکی لگائی تھی، جس کے بعد ان کی طبیعت بگڑ گئی اور انہیں اسپتال میں داخل کرانا پڑا تھا۔