وزیر خارجہ جے شنکر نے کینیا کے  صدر روتو سے ملاقات کی

 نئی دلی/۔کینیا کے صدر ولیم ساموئی روتو نے پیر کے روز ہندوستان کا تین روزہ دورہ شروع کیا جو چھ سال سے زائد عرصے میں مشرقی افریقی ملک سے پہلا صدارتی دورہ ہے۔وزیر خارجہ ایس جے شنکر نے قومی دارالحکومت پہنچنے کے چند گھنٹے بعد روتو سے ملاقات کی۔انہوں نے سوشل میڈیا  پر پوسٹ  کیاکہ کینیا کے صدر  ولیم روتو سے ان کے ریاستی دورے کے آغاز پر ملاقات کرنا اعزاز کی بات ہے۔ گلوبل ساؤتھ کے خدشات پر ان کے نقطہ نظر کی تعریف کی۔ ہمارے دوطرفہ تعلقات کو مزید مضبوط بنانے کے لیے ان کی بصیرت کی قدر کی۔کینیا کے صدر کے طور پر روتو کا یہ پہلا ہندوستان کا دورہ ہے۔ کینیا کے رہنما اپنے ہندوستانی ہم منصب دروپدی مرمو سے ملاقات کریں گے اور وزیر اعظم نریندر مودی کے ساتھ وسیع پیمانے پر بات چیت کریں گے۔کینیا کے صدر کا دورہ بھارت تقریباً تین ماہ بعد آیا ہے جب 55 ممالک پر مشتمل افریقی یونین کو اس کے نئی دہلی سربراہی اجلاس میں جی 20 میں شامل کیا گیا تھا جس کے بعد بھارت کی جانب سے اس پر زور دیا گیا تھا۔روتو کا منگل کو راشٹرپتی بھون کے صحن میں ایک رسمی استقبال کیا جائے گا۔وزارت خارجہ نے ہفتے کے روز کہا کہ ”کینیا کا صدارتی دورہ چھ سال سے زائد عرصے کے بعد ہو رہا ہے اور توقع ہے کہ اس سے دونوں ممالک کے درمیان دو طرفہ تعلقات مزید مضبوط ہوں گے۔