مرکزی وزیر ڈاکٹر منسکھ منڈاویہ نے تجارتی میلے میں جن اوشدھی اسٹال کا دورہ کیا

 نئی دلی/۔کیمیکل اور فرٹیلائزر اور صحت و خاندانی بہبود کے مرکزی وزیر ڈاکٹر منسکھ منڈاویہ نے آج تجارتی میلے میں جن اوشدھی اسٹال کا دورہ کیا تاکہ اسٹال کے کام کاج کی نگرانی کی جاسکے۔ وزیر موصوف نے اس بات کی بھی تعریف کی کہ یہ اسٹال پورے ملک میں قابل رسائی اور سستی صحت کی دیکھ بھال کے لیے حکومت ہند کے عظیم پروجیکٹ کے بارے میں معلومات فراہم کر رہا ہے۔42 واں ہندوستان بین الاقوامی تجارتی میلہ 14 سے 27 نومبر تک نئی دہلی کے پرگتی میدان میں منعقد ہو رہا ہے۔ اس بین الاقوامی تجارتی میلے کا حصہ ہونے کے ناطے، پردھان منتری بھارتیہ جنوشدھی پریوجنا  کی جانب سے ہال نمبر 5 اسٹال نمبر 8-B میں ایک نمائشی اسٹال لگایا گیا ہے جہاں عام لوگوں کو نمایاں خصوصیات سے آگاہ کیا جا رہا ہے۔  اس اسٹال کے ذریعے عوام کو جن اوشدھی کی سستی اور اعلیٰ معیار کی ادویات کے بارے میں معلومات فراہم کی جارہی ہیں۔جیسا کہ ہم سب جانتے ہیں کہ معیاری جنرک دوائیں سب کو سستی قیمتوں پر دستیاب کرانے کے مقصد کے ساتھ، پردھان منتری بھارتیہ جنو شدھی پریوجنا کو دوا سازی کے محکمے، کیمیکل اور کھاد کی وزارت، حکومت ہند نے شروع کیا تھا۔ اس اسکیم کے تحت جنرک ادویات فراہم کرنے کے لیے جنو شدھی مراکز کے نام سے مخصوص دکانیں کھولی جاتی ہیں۔ 31 اکتوبر 2023 تک، 9998 جن  اوشدھی کیندر پورے ملک میں کام کر رہے ہیں۔ پی ایم بی جے پی کی مصنوعات کی ٹوکری میں 1965 ادویات اور 293 جراحی کے آلات شامل ہیں جو کہ پرچون کی دکانوں پر برانڈڈ ادویات کے مقابلے میں 50% سے 90% سستی پر فروخت ہوتے ہیں۔ پی ایم بی جے پی نے 1965 سے زیادہ معیاری ادویات کی قیمتوں میں زبردست کمی لائی ہے اور ان ادویات کو آبادی کے ایک بڑے حصے، خاص طور پر غریبوں اور دائمی بیماریوں کے مریضوں کی پہنچ میں دستیاب کرایا ہے۔پچھلے 9 سالوں میں، کیندروں کی تعداد میں بے مثال اضافہ ہوا ہے جو کہ 2014 میں صرف 80 تھے اور اب ملک کے تقریباً تمام اضلاع میں 9998 سے زیادہ مرکز بن چکے ہیں۔ پچھلے 9 سالوں میںمراکز کی تعداد میں 100 گنا اضافہ ہوا ہے اور فروخت میں بھی 170 گنا سے زیادہ اضافہ ہوا ہے۔