زرمبادلہ کے ذخائر 6.6 بلین ڈالر بڑھ کر 531.1 بلین ڈالر ہو گئے

ممبئی، 06 نومبر (یو این آئی) غیر ملکی کرنسی اثاثوں، سونا، خصوصی ڈرائنگ رائٹس (ایس ڈی آر) اور بین الاقوامی مالیاتی فنڈ (آئی ایم ایف) کے ذخائر میں اضافے کی وجہ سے 28 اکتوبر کو ختم ہونے والے ہفتے میں ملک کے زرمبادلہ کے ذخائر 6.6 بلین ڈالر بڑھ کر 531.1 بلین ڈالر ہو گئے ۔ جبکہ پچھلے ہفتے میں یہ 3.85 بلین ڈالر کم ہو کر 524.5 بلین ڈالر رہ گیا تھا۔ریزرو بینک کے جاری کردہ ہفتہ وار اعداد و شمار کے مطابق 28 اکتوبر کو ختم ہونے والے ہفتے میں غیر ملکی کرنسی کے اثاثے ، جو کہ غیر ملکی کرنسی کے ذخائر کا سب سے بڑا جزو ہے ، 5.8 بلین ڈالر بڑھ کر 470.85 بلین ڈالر ہو گئے ۔ اسی طرح اسی عرصے کے دوران سونے کے ذخائر 556 ملین ڈالر کے اضافے سے 37.76 بلین ڈالر تک پہنچ گئے ۔ اس عرصے کے دوران آئی ایم ایف کے ذخائر 48 ملین ڈالر بڑھ کر 4.85 بلین ڈالر ہو گئے ۔