پام آئل کی درآمدگی پر ٹیکس بڑھانے کا امکان

تیل کے بیجوں کی کم قیمتوں میں نرمی سے پریشان کسانوں کو راحت مل سکتی ہے
نئی دہلی، 19 اکتوبر (یو این آئی) گھریلو خوردنی تیل بازار میں حالات میں تبدیلی کے پیش نظر حکومت پام آئل کی درآمد پر ٹیکس بڑھا سکتی ہے ۔ یہ اطلاع صنعتی ذرائع نے دی۔ حکومت کے اس طرح کے فیصلے سے ملک میں تیل کے بیجوں کی کم قیمتوں میں نرمی سے پریشان کسانوں کو راحت مل سکتی ہے ۔ خوردنی تیل پر قابو پانے کے لیے حکومت نے خام پام آئل (سی پی او) پر درآمدی ٹیکس ختم کردیا تھا۔ فی الحال، سی پی اوز پر زرعی انفراسٹرکچر اور ڈیولپمنٹ کے لیے پانچ فیصد کا سیس لگایا جاتا ہے ، جبکہ ریفائنڈ، بلیچڈ اور ڈیوڈورائزڈ (آر بی ڈی) پام آئل پر 12.5 فیصد کا درآمدی ٹیکس نافذ ہے ۔ خوردنی تیل کی صنعت نے گرتی ہوئی تلہن کی قیمتوں کو سہارا دینے کے لیے حکومت سی پی اوز اور آر بی ڈیز کی درآمدات پر کم از کم 10 فیصد ٹیکس لگانے کی مانگ کی ہے ۔ ملک اپنی خوردنی تیل کی ضروریات کا 70 فیصد ملائیشیا، انڈونیشیا، برازیل، ارجنٹینا، روس اور یوکرین سے درآمد کرتا ہے ، جہاں خوردنی تیل کی درآمدات میں پام آئل کا دو تہائی حصہ ہے ۔