ملک میں کورونا ایکٹیو معاملوں میں کمی

نئے معاملے سامنے آنے سے متاثرہ افراد کی مجموعی تعداد 4,44,62,445 ہوگئی
نئی دہلی، 05 ستمبر (یو این آئی) گزشتہ 24 گھنٹوں کے دوران ملک میں کورونا کے فعال معاملوں میں 1140 کی کمی آنے سے ان کی تعداد 53974 رہ گئی ہے ۔ جبکہ کورونا انفیکشن کے 5910 نئے معاملے سامنے آئے ہیں اور 7034 افراد کو اس وبا سے نجات ملی ہے۔ صحت اور خاندانی بہبود کی مرکزی وزارت نے پیر کو کہا کہ صبح 7 بجے تک 213.52 کروڑ ویکسین دی جاچکی ہیں۔ وزارت نے کہا کہ اسی عرصے کے دوران کورونا وائرس کے 5910 نئے معاملے سامنے آنے سے متاثرہ افراد کی کل تعداد 4,44,62,445 ہوگئی ہے اور فعال معاملے کم ہوکر 53974 رہ گئے ۔ یومیہ انفیکشن کی شرح 2.60 فیصد ہے ۔ کورونا وبا سے 9 افراد کی موت کے بعد ہلاکتوں کی تعداد 528007 تک پہنچ گئی ہے ۔ وزارت صحت کے مطابق گزشتہ 24 گھنٹوں کے دوران 7 ہزار 34 افراد کو اس وبا سے نجات ملی جس سے ان کی کل تعداد 4 کروڑ 38 لاکھ 80 ہزار 464 رہ گئی ہے ۔ وزارت نے کہا کہ گزشتہ 24 گھنٹوں میں 2,27,313 کووڈ ٹیسٹ کیے گئے ہیں۔ ملک میں کل 88.73 کروڑ سے زیادہ کووڈ ٹیسٹ کیے گئے ہیں۔ ملک میں صحت یابی کی شرح 98.69 فیصد ہے ۔ فعال معاملوں کی شرح 0.12 فیصد اور اموات کی شرح 1.19 فیصد ہے ۔ملک میں گزشتہ 24 گھنٹوں میں چھ ریاستوں، دو مرکز کے زیر انتظام علاقوں میں ایکٹو کیسز کی تعداد میں اضافہ ہوا ہے اور دیگر ریاستوں اور مرکز کے زیر انتظام علاقوں میں اس کے معاملے کم ہوئے ہیں۔قومی راجدھانی میں 120 کورونا ایکٹیو معاملوں میں کمی کے باعث ان کی کل تعداد 1172 پررہ گئی ہے اور اب تک 1972992 لوگ کورونا کی وبا سے آزاد ہو چکے ہیں۔ یہ راحت کی بات ہے کہ اس دوران کسی مریض کی موت نہ ہونے کی وجہ سے مرنے والوں کی تعداد 26477 پر مستحکم ہے ۔ملک کی سب سے بڑی ریاست اتر پردیش میں 115 ایکٹو معاملے کم ہو کر 1700 ہو گئے ہیں۔ اس دوران 328 افراد کے صحت یاب ہونے کے بعد اس سے نجات پانے والوں کی کل تعداد 2098456 ہو گئی ہے ۔ ریاست میں اس مہلک وائرس سے مرنے والوں کی تعداد 23610 تک پہنچ گئی ہے ۔