وزیر خارجہ جے شنکر یو اے ای کے تین روزہ دورے کیلئے آج روانہ ہونگے

نئی دہلی، 30 اگست (یواین آئی) وزیر خارجہ ایس جے شنکر 14 ویں ہندوستان-یو اے ای مشترکہ کمیشن میٹنگ (جے سی ایم) اور تیسرے ہندوستان-یو اے ای اسٹریٹجک ڈائیلاگ کی شریک صدارت متحدہ عرب امارات کے وزیر خارجہ شیخ عبداللہ بن زید النہیان کے ساتھ کرنے کےلئے 31 اگست سے 2 ستمبر تک یو اے ای کا دورہ کریں گے ۔ وزارت خارجہ کا کہنا ہے کہ دورہ کے دوران ہونے والی ملاقاتوں میں ہندوستان اور متحدہ عرب امارات کے درمیان جامع اسٹریٹجک پارٹنرشپ کا جائزہ لیا جائے گا۔ دورے کے دوران وزیر خارجہ متحدہ عرب امارات کے دیگر معززین سے بھی ملاقات کریں گے ۔ وزارت خارجہ نے کہا کہ ہندوستان اور متحدہ عرب امارات دونوں تجارت، سرمایہ کاری، روایتی اور قابل تجدید توانائی، خوراک کی حفاظت، صحت، مہارت کی ترقی، تعلیم، ثقافت، دفاع، خلائی، قونصلر سمیت مختلف شعبوں میں اپنی شراکت داری میں آگے بڑھنے کے لیے پرعزم ہیں۔ متحدہ عرب امارات پورے ملک میں مربوط زرعی پارکوں کی ایک سیریز تیار کرنے کے لیے ہندوستان میں 2 بلین امریکی ڈالر کی سرمایہ کاری کرے گا۔
2022 میں ہندوستان اور متحدہ عرب امارات کے درمیان باقاعدہ اعلیٰ سطحی بات چیت ہوئی تھی۔ وزیر اعظم نریندر مودی نے اس سال 28 جون کو ابوظہبی کا دورہ کیا تھا اور متحدہ عرب امارات کے صدر شیخ محمد بن زید النہیان سے ملاقات کی تھی۔ اس سے پہلے دونوں رہنما¶ں نے 18 فروری کو ایک ورچوئل سربراہی اجلاس بھی منعقد کیا، جس کے دوران ہندوستان-یو اے ای جامع اقتصادی شراکت داری کے معاہدے (سی ای پی اے ) پر دستخط کیے گئے تھے اور ایک ویژن اسٹیٹمنٹ اپنایا گیا تھا، ساتھ ہی دونوں لیڈروں نے 14 جولائی کو ورچول منعقد چوٹی ملاقات بھی میں حصہ لیا تھا۔ تاہم، دونوں ممالک کے درمیان باقاعدہ اعلیٰ سطحی مذاکرات جاری ہیں جس سے عوام کو فائدہ ہوگا۔