مرکزی حکومت نے جموں وکشمیر کیلئے 1,357 کروڑ روپے کی لاگت والے 1,276کلومیٹر کے پی ایم جی ایس وائی مرحلہ سوم کو منظوری دی

لیفٹیننٹ گورنر نے وزیر اعظم اور مرکزی وزیر ویہی ترقی کا شکریہ اَد اکیا
مرکزی وزارتِ دیہی ترقی نے آج پردھان منتری گرام سڑک یوجنا ( پی ایم جی ایس وائی ) مرحلہ سوم کو 1,276 کلو میٹر کے لئے منظور کیا جس کی لاگت 1,357 کروڑ روپے ہے۔لیفٹیننٹ گورنر منوج سِنہا نے وزیر اعظم نریندر مودی اور مرکزی وزیر دیہی ترقی گری راج سنگھ کا شکریہ اَدا کیا۔لیفٹیننٹ گورنر نے پی ایم جی ایس وائی مرحلہ سوم کی منظوری کو جموں وکشمیر کے دیہی رابطوں میں ایک اور سنگ میل قرار دیتے ہوئے کہا کہ جدید دیہی بنیادی ڈھانچہ ، بہتر رابطے دیہی معیشت اور زندگی میں آسانی کو بہتر بنائے گی۔لیفٹیننٹ گورنر نے مزید کہا کہ یہ دیرپا اور جامع ترقی کے لئے غیر مربوط رہائش گاہوں کو ہمہ موسمی سڑک رابطہ فراہم کرے گا۔یہ بات قابل ذِکر ہے کہ پردھان منتری گرام سڑک یوجنا ( پی ایم جی ایس وائی ) کے تحت جموںوکشمیر ملک میں بہترین کارکردگی دِکھا نے والی رِیاستوں او ریوٹیز میں شامل ہے۔ ہر گاﺅں میں سیفٹی ، کنکٹویٹی او رموبائلٹی کو یقینی بنانے کے مشن سے 2,071 بستیوں کو جوڑنے والے 17,336 کلومیٹر پر محیط 2,353 پی ایم جی ایس وائی پروجیکٹوں پہلے مکمل ہوچکے ہیں ۔ سال 2021-22ءمیں 3,284 کلومیٹر پی ایم جی ایس وائی سڑکیں تعمیر کی گئیں۔ اِس کے علاوہ 7,301کلو میٹر کو بلیک ٹاپ کیا گیا ۔ مزید برآں پردھان منتری سڑک یوجنا ( پی ایم جی ایس وائی ) کے تحت دُور دراز علاقوں تک رابطہ فراہم کرنے کے لئے 125پُل بنائے جانے ہیں۔