کرائم برانچ کشمیر نے انجینئر کو گرفتار کیا

کرائم برانچ کشمیر نے بدھ کے روز جموں وکشمیر ہاوسنگ بورڈ کے ایک برطرف انجینئر کو گرفتار کیا جس پر الزام تھا کہ اس نے مبینہ طور پر خود کو ریاستی سطح کے ٹیکنیکی ماہر کے طورپر اپنے آپ کو پیش کیا تھا۔ جموں وکشمیر ہاوسنگ بورڈ کے منیجنگ ڈائریکٹر کی جانب سے درج کردہ تحریری شکایت پر کارروائی کرتے ہوئے کرائم برانچ کشمیر کے اکنامک آفس ونگ نے ایک انجینئر کو گرفتار کیا جس کی شناخت حکیم مزمل کے طور ہوئی ہے جو باغوان پورہ لالبازار سری نگر کا رہائشی ہے۔ شکایت کنندہ نے الزام لگایا کہ ملزم انجینئر جسے جموں وکشمیر ہاوسنگ بورڈ سے ریاستی سطح کے ٹیکنیکی ماہر کے عہدے سے ہٹا دیا گیا ، خود کو بورڈ کے ایس ایل ٹی سی ماہر کے طورپر پیش کر رہا ہےا ور اس طرح سے سرکاری مہر کا غلط استعمال کررہا ہے۔ کرائم برانچ کشمیر نے معاملے کی انکوائری اور تحقیقات کے دوران لگائے گئے الزامات کو ثابت کیا اور اس کے مطابق کرائم برانچ کشمیر کے پولیس تھانہ مقمی باضابط طورپر ایک مقدمہ درج کیا گیا۔