سوپور میں ہابرڈ جنگجو اور اس کے ساتھی کو گرفتار کرنے کاپولیس کا دعویٰ

گرفتار شدگان سے ہتھیار اور گولہ بارود بھی برآمد کیا گیا /پولیس
شمالی کشمیر کے سوپور علاقے میں سیکورٹی فورسز نے ہابرڈ جنگجو اور ایک ملی ٹینٹ معاون کو اسلحہ وگولہ بارود سمیت حراست میں لینے کا دعویٰ کیا ہے۔پولیس کے ایک ترجمان نے بتایا کہ مشتبہ افراد کی نقل وحرکت کی اطلاع موصول ہونے کے بعد22 آر آر، 92 بٹالین سی آر پی ایف اور پولیس نے منگل کے روز سوپور کے کئی علاقوں میں ناکوں کا جال بچھایا۔انہوں نے کہاکہ بہرام پورہ سیلو پل کے نزدیک ایک گاڑی کو رکنے کا اشارہ کیا گیا تاہم اس میں سوار دو افراد نے راہ فرار اختیار کرنے کی کوشش کی۔ا±ن کے مطابق سیکورٹی فورسز نے پیشہ وارانہ صلاحیتوں کو بروئے کا رلا کر دونوں کو دھر دبوچ کر سلاخوں کے پیچھے دھکیل دیا۔انہوں نے بتایا کہ گرفتار شدگان نے تفتیش کے دوران بتایا کہ ٹارگیٹ کلنگ کی خاطر ا±نہیں ہتھیار اور گرینیڈ کو سیلوعلاقے تک پہنچانے کا کام سونپا گیا تھا۔موصوف ترجمان نے مذکورہ افراد کی شناخت مظفر احمد ڈار ولد غلام نبی ڈار ساکن پازال پورہ ڈنگی وچھی سوپور اور صوفی اسحاق احمد ولد محمد سلطان صوفی ساکن امبر پورہ تارزو سوپور کے بطور کی۔انہوں نے بتایا کہ مظفر احمد ڈار کے قبضے سے ایک پستول ، ایک پستول میگزین ، آٹھ راونڈ اور ایک ہینڈ گرینیڈ اور صوفی اسحاق احمد کے قبضے سے ایک گرینیڈ برآمد ہوا۔پولیس نے اس ضمن میں ایف آئی آر زیر نمبر 97زی ردفعات 13,18,23,38یو ایل اے پی ایکٹ کے تحت کیس درج کرکے مزید تحقیقات شروع کی۔