کورونا انفیکشن سے مزید 43 افراد ہلاک

12608 نئے مریض ،16251 مریض کووڈ سے ٹھیک ہو گئے
نئی دہلی، 18 اگست (یو این آئی) گزشتہ 24 گھنٹوں میں ملک کی 14 ریاستوں اور مرکز کے زیر انتظام علاقوں میں کورونا وائرس کی وبا سے 43 لوگوں کی موت ہوئی ہے ۔ اس کے ساتھ ہی 12,608 نئے مریض سامنے آئے اور 16,251 مریض کووڈ سے ٹھیک ہو گئے ہیں۔مرکزی وزارت صحت اور خاندانی بہبود نے جمعرات کو کہا کہ صبح 7 بجے تک 208.95 کروڑ ویکسین دی گئی ہیں۔ وزارت نے بتایا کہ گزشتہ 24 گھنٹوں میں کووڈ انفیکشن کے 12 ہزار 608 نئے مریضوں کے ساتھ متاثرین کی مجموعی تعداد بڑھ کر چار کروڑ 42 لاکھ 98 ہزار 864 ہو گئی ہے ۔ اس کے ساتھ ہی ملک میں کورونا ایکٹیو کیسز کی تعداد ایک لاکھ ایک ہزار 343 ہو گئی ہے ۔ یہ فعال کیسز کا 0.23 فیصد ہے ۔ یومیہ انفیکشن کی شرح 4.48 فیصد تک پہنچ گئی ہے ۔وزارت نے کہا کہ اسی مدت میں 16 ہزار 251 لوگوں کو کووڈ سے ٹھیک ہوئے ہیں۔ اب تک کووڈ سے کل ملاکر چار کروڑ 36 لاکھ 70 ہزار 315 مریض صحت یاب ہو چکے ہیں۔ بحالی کی شرح 98.58 فیصد ہے ۔
ملک میں گزشتہ 24 گھنٹوں میں تین لاکھ 62 ہزار 20 کووڈ ٹیسٹ کیے گئے ہیں۔ ملک میں کل ملاکر 88.14 کروڑ سے زیادہ کووڈ ٹیسٹ کیے گئے ہیں۔ اس دوران پنجاب میں ایکٹیو کیسز کی تعداد 315 بڑھ کر 15184 ہوگئی ہے ۔ ریاست میں اس بیماری سے 7,47,101 لوگ ٹھیک ہو چکے ہیں اور مزید چار مریضوں کی موت کے ساتھ ہی اس وبا سے مرنے والوں کی تعداد 17,869 ہو گئی ہے ۔مہاراشٹر میں، 388 ایکٹیو کیسز کم ہو کر 11,370 پر آ گئے ہیں۔ یہاں اب تک 79,16,615 لوگ اس بیماری سے ٹھیک ہو چکے ہیں۔ یہاں مرنے والوں کی تعداد بڑھ کر 1,48,180 تک پہنچ گئی ہے ۔کرناٹک میں 1116 ایکٹیو کیسز کم ہو کر 8764 ہو گئے ہیں اور 1999 مریضوں کے کوویڈ سے نجات پانے کے ساتھ ہی اس بیماری سے صحت یاب ہونے والوں کی تعداد بڑھ کر 39,85,535 ہو گئی ہے ۔ مرنے والوں کی تعداد 40,197 ہو گئی ہے ۔ قومی راجدھانی دہلی میں کورونا کے 58 ایکٹیو کیسز کم ہونے سے ان کی مجموعی تعداد 6809 پر آ گئی ہے اور اس سے نجات پانے والوں کی تعداد 1955182 ہو گئی ہے ۔ اس وبا سے مزید آٹھ مریضوں کی موت کے بعد مرنے والوں کی تعداد 26400 ہو گئی ہے ۔ ملک کی سب سے بڑی ریاست اتر پردیش میں 194 ایکٹیو کیسز کم ہونے کی وجہ سے ان کی کل تعداد کم ہو کر 4852 رہ گئی ہے ۔