جموں کشمیر حکومت کی جانب سےیوٹی میں تمام سرکاری ملازمین کو تنخواہ اور دیگر مراعات کے معاملے میں برابری کی سطح پر لایاگیا

جموں کشمیر حکومت نے SO-192کو ختم کرتے ہوئے یوٹی کے تمام سرکاری ملازمین کو تنخواہ اور دیگر مراعات کے معاملے میں برابری کی سطح پر لایا۔اطلاعات کے مطابق اتوار کو جموں کشمیر انتظامی کونسل کی ایک اہم میٹنگ لیفٹنٹ گورنر منوج سنہا کی صدارت میں میٹنگ ہوئی جس میںجموں و کشمیر پروبیشنر اور فکسیشن رولز، 2020 کو ختم کرنے کی منظوری دی گئی ۔ میٹنگ میں لیفٹنٹ گورنر کے مشیر راجیو رائے بھٹناگر، جموں و کشمیر کے چیف سیکرٹری ڈاکٹر ارون کمار مہتا اور لیفٹنٹ گورنر کے پرنسپل سیکرٹری نتیشوار کمار نے میٹنگ میں شرکت کی۔یہ فیصلہ مرکز کے زیر انتظام جموں و کشمیر میں تعینات ہونے والے تمام سرکاری ملازمین کو اپنے پہلے مقرر کردہ ہم منصبوں کے ساتھ مساوی سطح پر لائے گا جو کیڈر میں یکساں/مقابلہ عہدوں پر فائز ہو سکتے ہیں۔مزید یہ کہ نئے تعینات ہونے والے ملازمین اور ان سروس امیدواروں کی بڑی تعداد میں شکایات جو اعلیٰ آسامیوں کیلئے درخواست دیتے ہیں لیکن انہیں تنخواہ کا تحفظ نہیں دیا جاتا، کو بھی دور کیا جائے گا۔اس سے قبل، چیف سیکرٹری کی سربراہی میں اسٹیبلشمنٹ کم سلیکشن کمیٹی نے ان قوانین کو امتیازی نوعیت کا پایا تھا جس کے نفاذ میں کئی رکاوٹوں کا سامنا ہے، اور ان کو ختم کرنے کی سفارش کی تھی ۔