شال ٹینگ سڑک حادثے میں دو پولیس اہلکار زخمی ایک کی حالت نازک

سنبل میں سی آر پی ایف کی گاڑی کو حادثہ ، 8اہلکار زخمی ، ہسپتال منتقل
شمالی کشمیر کے ضلع بانڈی پورہ کے سنبل علاقے میں ہفتہ کے روز شام کے وقت اُس وقت 8فورسز اہلکار زخمی ہوئے جب اُ س گاڑی کو حادثہ پیش آیا جس میں وہ سوار تھے ۔ادھرشال ٹینگ سرینگر میں سڑک کے ایک حادثے میں دو پولیس اہلکار زخمی ہوئے ہیں جن کو فوری طور پر نزدیکی ہسپتال پہنچایا گیا جن میں سے ایک کی حالت نازک بنی ہوئی ہے ۔ ۔ اطلاعات کے مطابق سنبل بانڈی پورہ میں 164بٹالین ، ای کمپنی سے وابستہ ایک گاڑی سنبل کے قریب حادثے کی شکار ہوئی جس میں سوار 8سی آر پی ایف اہلکار زخمی ہوئے جن کو فوری طور پر نزدیکی ہسپتال پہنچایا گیا جہاں سے انہیں مزید علاج و معالجہ کےلئے جے وی سی منتقل کیا گیا ہے ۔ اس واقعے کی تصدیق کرتے ہوئے پولیس ذرائع نے بتایا کہ اس حادثے میں سبھی زخمیوں کی حالت مستحکم ہے ۔ ادھر شال ٹینگ سرینگر میں ایک ناکہ کے دوران دو پولیس اہلکار اُس وقت زخمی ہوئے جب وہ وہاں پر سیکوٹی اور موٹر سائکلوں کو روک کر چیکنگ کرتے تھے جس دوران پولیس اہلکاروں نے ایک سیکوٹی سوار کو روکنے کی کوشش کی جس دوران سیکوٹی سوار نے کنٹرول کھودیا نتیجے کے طور پر وہاں پر موجود دو پولیس اہلکار ہیڈ کانسٹیبل اشفاق احمد اور غلام مرتضیٰ کو ٹکر ماردی اور شدید زخمی کردیا ۔ اس دوران دونوں زخمیوں کو فوری طور پر سکمز صورہ پہنچایا گیا جہاں پر سی ٹی غلام مرتضیٰ کی حالت تشویشناک بتائی جاتی ہے ۔ پولیس نے اس ضمن میں متعلقہ دفعات کے تحت کیس درج کرلیا ہے ۔