شمالی ضلع بارہمولہ میں 24گھنٹوں میں دوسری مسلح جھڑپ میں ضلع کے بنر علاقے میں فوج و فورسز اور جنگجوﺅںکے مابین تصادم آرائی میں عسکری تنظیم لشکر طیبہ سے وابستہ مقامی جنگجو جاں بحق ہوگیا ۔ پولیس ذرائع سے معلوم ہوا ہے کہ بارہمولہ کے بنر علاقے میں علاقے میں جنگجوﺅں کی موجودگی کی اطلاع ملنے کے بعد فوج و فورسز اور جموں کشمیر پولیس نے مشتر کہ طور پر علاقے کوسنیچروار کی شام محاصرے میں لیا جس دوران علاقے میں تلاشی آپریشن شروع کر دیا گیا ۔ ذرائع سے معلوم ہوا ہے کہ جونہی علاقے میں تلاشی آپریشن شروع کر دیا گیا تو وہاں چھپے بیٹھے ملی ٹنٹوں نے فائرنگ کی جس کے ساتھ ہی علاقے میںجھڑپ ہوئی ۔ ذرائع کے مطابق اسی دوران فورسز کی اضافی کمک علاقے کی جانب روانہ کی گئی جنہوں نے پورے علاقے کو سیل کر دیا اور جنگجوﺅںکے فرار ہونے کے تمام راستے سیل کر دئے گئے ۔ذرائع سے معلوم ہوا ہے کہ علاقے میں چھپے جنگجو کو بار بار خود سپردگی کرنے کا موقعہ فراہم کیا گا تاہم انہوں نے پیشکش ٹھکرادی اور سیکورٹی فورسز پر فائرنگ کی جس کے جواب میں فورسز نے بھی جوابی کارورائی کی ۔ ذرائع نے بتایا کہ علاقے میںکچھ وقت تک گولیوں کا تبادلہ جاری رہا اور جونہی علاقے میں گولی باری کا سلسلہ تھم گیا تو وہاں سے ایک ملی ٹنٹ کی نعش بر آمد کر لی گئی ۔ جس کے بارے میں بتایا جاتا ہے کہ وہ لشکر طیبہ سے وابستہ تھا ۔ آئی جی پی کشمیر وجے کمار نے اس کی تصدیق کرتے ہوئے بتایا کہ ہلاک ہوئے عسکریت پسند ملی ٹنٹ تنظیم لشکر سے وابستہ تھا ۔ انہوں نے مہلوک ملی ٹنٹ کی شناخت کیلئے کارروائی جاری ہے ۔ خیال رہے کہ یہ گزشتہ 24گھنٹوں میں ضلع میں دوسری مسلح تصادم آرائی تھی ۔ اس سے قبل ضلع کے وانی گام پٹن علاقے میں ایک مسلح تصادم میں مقامی جیش ملی ٹنٹ ہلاک ہو گیا تھا جبکہ فائرنگ کے تبادلے میں دو فوجی اور ایک پولیس اہلکار زخمی ہونے کے ساتھ ساتھ فوج کا سنپیر کتا بھی مارا گیا ۔