جموں کشمیر میں کووڈ کے 703نئے معاملات درج ، جموں میں دو متاثرہ مریضوں کی ہوئی موت

جموں کشمیر میں کورونا وائرس کی لہر میں گزشتہ کئی دنوں سے اچھال جاری ہے جس کے چلتے ایک مرتبہ پھر مثبت معاملات نے اونچی اڑان بھر لی اور جموں کشمیر میں 703نئے مثبت معاملات درج کئے گئے ۔ حکام کے مطابق گزشتہ 24گھنٹوں میں 703نئے افراد کے ٹیسٹ مثبت آئے جس کے ساتھ ہی متاثرین کی تعداد 464062پہنچ گئی ہے ۔تازہ معاملات میں جموں سے 209جبکہ کشمیر میں 494نئے کیس ریکارڈ کئے گئے ہیں۔