لیفٹیننٹ گورنر نے ملائیشیا میں عالمی چمپئن شپ کیلئے اِنڈین پینکاک سلات ٹیم کو جھنڈی دِکھا کر روانہ کیا

کہا، ملک کو سپورٹنگ پاور ہاﺅس میں تبدیل کرنے کیلئے کھلاڑیوں کے اعتماد ، خواب اور لگن کو دیکھ کر مجھے واقعی فخر ہے
کھلاڑیوں ، کوچوں اور ٹیم اَفسران کو مبارک باد دی
لیفٹیننٹ گورنر منوج سِنہا نے آج 26 جولائی سے ملائیشیا کے میلاکا میں منعقد ہونے والی 19 وین عالمی پینکاک سلات چمپئن شپ کے لئے اِنڈین پینکاک سلات ٹیم کو ہر ی جھنڈی دِکھا کر روانہ کیا۔لیفٹیننٹ گورنر نے پینکاک سلات کھلاڑیوں اور کوچوں سے بات چیت کی اور آئندہ عالمی چمپئن شپ میں ان کی کامیابی کی خواہش کی۔اُنہو ں نے کہا کہ عالمی چمپئن شپ میں ملک کی نمائندگی کرنا بڑے فخر کی بات ہے ۔وہاںزبردست اور اچھی طرح سے کھیل کھیلو اور اَپنا اور اَپنے ملک کا نام روشن کرو۔ اُنہوں نے کھلاڑیوں سے کہا کہ ایک اَرب سے زیادہ لوگ آپ کے لئے خوش ہوں گے۔لیفٹیننٹ گورنر نے کہا ،” ہمارے نوجوان آج کھیل کے ہرشعبے میں شاندار کار کردگی کا مظاہر ہ کر رہے ہیںاور ملک کا نام روشن کر رہے ہیں ۔ملک کو سپورٹنگ پاور ہاﺅس میں تبدیل کرنے کے لئے ان کے اعتماد ، خواب او رلگن کو دیکھ کر واقعی فخر ہے ۔ کھلاڑیوں ،کوچوں اور ٹیم اَفسران کو مبارک باد دی اور نیک خواہشات کا اِظہار کیا۔“لیفٹیننٹ گورنر نے سری نگر میں منعقدہ 21روزہ قومی کوچنگ کیمپ کے دوران کھلاڑیوں کو فراہم کی گئی سہولیات اور تربیت کے بارے میں بھی دریافت کیا۔سیکرٹری جموںوکشمیر سپورٹس کونسل نزہت گل نے کہا کہ یہ خطے میں پہلا پینکاک سلات یا مارشل آرٹ ڈسپلن کا کوئی قومی کوچنگ کیمپ تھا۔ملک بھر سے 36 کھلاڑیوں ( مرد و خواتین) پر مشتمل ٹیم ملائیشیا روانہ ہوگی ۔ جموںوکشمیر کے آٹھ کھلاڑی جن میںکرن چوپڑا ، شیخ نجم ثاقب، صہیب جیلانی ، پیر عادل منظور ، رویس احمد ، کومل دھیمان ، بلقیس مقبول اور اَقصیٰ گلزار عالمی چمپئن شپ میں ملک کی نمائندگی کرنے والی ٹیم کا حصہ ہیں۔جموںوکشمیر سے تعلق رکھنے والے دو کوچوں محمد اِقبال اور عرفان عزیز سمیت کل چھ کوچوں اور سٹاف ممبران کے علاوہ ایک سٹاف ممبر ہے ۔ یوٹی سے مفتی حامد یاسین بھی ورلڈ پینکاک سلات چمپئن شپ کے لئے اِنڈین ٹیم کے ساتھ ہیں۔یہ پہلا قومی دستہ ہے جو سری نگر سے بین الاقوامی ٹورنامنٹ کے لئے روانہ ہوگا۔بعد میں لیفٹیننٹ گورنر نے دیگر معززین کے ساتھ مل کر وَن بال وَن ورلڈ انوائرمنٹ کمپیئن ۔دی سپرٹ آف فٹ بال آن دیرپا ترقی اور ماحولیاتی تبدیلی کے بارے میں ماحولیاتی بیداری کے لئے گیند پر دستخط کئے۔اِس موقعہ پر راج بھون میں چیف سیکرٹری ڈاکٹر ارون کمار مہتا، صوبائی کمشنر کشمیر پانڈورانگ کے پولے ،جموں وکشمیر کے بین الاقوامی کھلاڑی، اِنڈین پینکاک سلات فیڈریشن کے اَفسران اور جموںوکشمیر سپورٹس کونسل کے اَفسران اور ملازمین موجود تھے۔