سیاحت جموں و کشمیر میں معیشت کے بنیادی شعبوں میں سے ایک ہے۔ریڈی

سال 2022کے پہلے چھ مہینوں میں 1.5کروڑ سیاحوں نے جموں و کشمیر کا دورہ کیا
مرکزی وزیر برائے سیاحت جی کے ریڈی نے پیر کو کہا کہ سیاحت جموں و کشمیر میں معیشت کے بنیادی شعبوں میں سے ایک ہے انہوں نے کہاکہ سال 2022کے پہلے چھ مہینوں میں 1.05 کروڑ سیاح جموں و کشمیر کا دورہ کر چکے ہیں۔اطلاعات کے مطابق لوک سبھا میں مالا رائے کے سوال کا جواب دیتے ہوئے، مرکزی وزیر نے کہا کہ جموں و کشمیر میں سیاحت کا شعبہ معیشت کے بنیادی شعبوں میں سے ایک ہے۔انہوں نے کہا، "جے اینڈ کے حکومت کی طرف سے نجی اور سرکاری شعبوں میں اٹھائے گئے اقدامات کے نتیجے میں کووڈ چیلنجوں کے باوجود سیاحوں کی تعداد میں نمایاں اضافہ ہوا ہے۔”انہوں نے کہا کہ سال 2020میں سیاحوں کی تعداد 41267 تھی جو کیلنڈر سال 2022 کے پہلے چھ مہینوں (جنوری تا جون) کے دوران بڑھ کر 1.05 کروڑ ہو گئی ہے۔انہوں نے کہا کہ جموں و کشمیر نے اس عرصے کے دوران تمام موسموں میں سیاحوں کی آمد دیکھی ہے اور وہ بھی اعلیٰ درجے کے سیاح، جنہیں معیاری خدمات کا اچھا تجربہ ہے۔انہوں نے مزید کہا کہ سیاحوں کی اس زیادہ آمد کا براہ راست اور بالواسطہ طور پر مقام آبادی بشمول UT کے دور دراز علاقوں میں رہنے والے لوگوں کو فائدہ پہنچا ہے۔