کورونا کے فعال معاملوں کی تعداد ایک لاکھ سے تجاوز کر گئی

مزید 56 لوگ اپنی جان گنوا بیٹھے ، مرنےوالوں کی تعداد بڑھ کر 525660 ہو گئی
نئی دہلی، ۷۱جولائی (یو این آئی) ملک میں گزشتہ 24 گھنٹوں کے دوران کورونا وائرس وبا کے 20,528 نئے معاملوں کے ساتھ ہی فعال معاملوں کی تعداد بڑھ کر 143449 ہو گئی ہے ، جب کہ مزید 56 لوگ اپنی جان گنوا بیٹھے ہیں۔ مرنے والوں کی تعداد بڑھ کر 525660 ہو گئی ہے ۔ فی الحال یہ راحت کی بات ہے کہ اس دوران صحت یاب ہونے والوں کی تعداد میں بھی اضافہ ہوا ہے ۔ گزشتہ 24 گھنٹوں میں 17790 مریض صحت یاب ہونے کے بعد اس وبا سے نجات حاصل کرنے والوں کی کل تعداد 43081441 ہو گئی ہے ۔ اس وبا سے اب تک 525709 مریض جان کی بازی ہار چکے ہیں۔ان نئے اعداد و شمار کے ساتھ، فعال کیسز کی شرح 0.33 فیصد، یومیہ انفیکشن کی شرح 5.23 فیصد، صحت یابی کی شرح 98.47 فیصد اور اموات کی شرح 1.20 فیصد ریکارڈ کی گئی ہے ۔ صحت اور خاندانی بہبود کی وزارت نے اتوار کو یہاں کہا کہ صبح 7 بجے تک 199.71 کروڑ ویکسین دی گئی ہیں۔ گزشتہ 24 گھنٹوں میں ملک میں 3,92,569 کووڈ ٹیسٹ کیے گئے ہیں۔ اب تک کل 86.94 کروڑ کووڈ ٹیسٹ کیے جا چکے ہیں۔ دہلی میں کورونا کیسز میں 116 کی کمی کی وجہ سے ایکٹیو کیسز کی تعداد 1894 پر آ گئی ہے ۔ دارالحکومت میں اس مہلک وائرس کو مزید 605 افراد نے شکست دی جس کے بعد کورونا سے نجات حاصل کرنے والوں کی مجموعی تعداد 1915332 ہوگئی۔ اس وبا کی وجہ سے اب تک 26291 افراد جان کی بازی ہار چکے ہیں۔مغربی بنگال میں ایکٹو کیسز 570 سے بڑھ کر 30613 ہو گئے ہیں۔ ریاست میں متاثرہ افراد کی تعداد 2263 سے بڑھ کر 2016315 ہو گئی ہے اور مرنے والوں کی تعداد 21271 ہو گئی ہے ۔ کیرالہ میں کورونا وائرس کے ایکٹیو کیسز 308 کم ہو کر 24645 ہو گئے ہیں۔ اس سے چھٹکارا پانے والوں کی تعداد 3162 بڑھ کر 6595509 ہو گئی ہے جبکہ اسی عرصے کے دوران مرنے والوں کی تعداد 70250 ہو گئی ہے ۔ گجرات میں ایکٹو کیسز 150 سے بڑھ کر 4632 ہو گئے ہیں۔ اس کے ساتھ ہی، کورونا سے چھٹکارا پانے والوں کی کل تعداد بڑھ کر 1226501 ہو گئی ہے ۔ ریاست میں کووڈ-19 کی وجہ سے اب تک 10954 افراد اپنی جان گنوا چکے ہیں۔ آسام میں ایکٹو کیسز کی تعداد 462 بڑھنے کے ساتھ ہی کل تعداد بڑھ کر 3896 ہو گئی ہے ۔ اس دوران 208 مریض صحت یاب ہونے سے صحت مند افراد کی تعداد 718101 ہو گئی ہے ۔ مرنے والوں کی تعداد 7997 ہو گئی ہے ۔ ملک کی سب سے بڑی ریاست اتر پردیش میں ایکٹو کیسز کی تعداد 49 بڑھ کر 2431 ہو گئی ہے ۔