کچھ لوگ یہاں کے حالات بگاڑنے کی کوششوں میں مصروف ۔ ایل جی

جموں کشمیر کے لیفٹیننٹ گورنر منوج سنہا نے کسی کا نام لئے بغیر کہاکہ کچھ لوگ یہاں امن بگاڑنے کی کوششوں میں مصروف ہیںاورسیکورٹی فورسز کو اُکساکرکوئی ایسی غلطی کرانا چاہتے ہیں جس سے لوگ مشتعل ہوکر سڑکوں پر نکل کر احتجاج کرنے پر مجبور ہوں تاہم فورسز چوکنا ہے اور ایسی کسی بھی منصوبے کو کامیاب نہیں ہونے دیں گے ۔ انہوں نے کہا کہ یہ لوگ جموں کشمیر کی تعمیر و ترقی ، امن و سلامتی کے استحکام اور سیاحت کو فروغ ملنے سے ناخوش ہے اور چاہتے ہیں کہ امن کا ماحول خراب ہو تاکہ ان کی دکان چل سکے ۔انہوںنے کہا کہ لولوگوں کو جمہوری طریقے سے اپنی حکومت چننے کا موقع دیا جائے گا اور جلد ہی انتخابات بھی کرائے جائیں گے ۔ اطلاعات کے مطابق لیفٹیننٹ گورنر منوج سنہا نے کہا ہے کہ کچھ لوگ جموں کشمیر کی ترقی اور امن سے ناخوش ہے اس لئے امن بگاڑنے کی کوششوںمیں مصروف ہیںاور لوگوں کو سڑکوں پر لانے کے بہانے تلاش کررہے ہیں ۔جموں و کشمیر کے لیفٹیننٹ گورنر منوج سنہا نے جمعہ کو کہا کہ کچھ لوگ پرامن ماحول، سیاحت کے عروج اور یوٹی میں چوبیس گھنٹے ترقی سے خوش نہیں ہیں اور وہ سیکورٹی فورسز کو مشتعل کرنے کی کوششیں جاری رکھے ہوئے ہیں۔تاکہ لوگوں کو سڑکوںپر آکر احتجاج کرنے پر مجبور کیا جاسکے ۔ یہاں ڈل جھیل کے کنارے واقع ایس کے آئی سی سی میں ضلعی برآمدی منصوبوں کے اجراءکے موقع پر خطاب کرتے ہوئے، ایل جی نے کہا کہ کشمیر میں جہاں زیادہ تر لوگ راحت کی سانس لے رہے ہیں، لیکن کچھ لوگ موجودہ پرامن ماحول، سیاحت کے عروج سے خوش نہیں ہیں۔یہ لوگ سیکورٹی فورسز کو ایسی غلطی کرنے پر اکسانے کی مسلسل کوششیں کرتے ہیں جو سڑکوں پر احتجاج کی بنیاد رکھ سکتی ہے۔ تاہم، ہماری افواج چوکس ہیں اور امن کو مستحکم کرنے اور امن مخالف تمام منصوبوں کو ناکام بنانے کے لیے سخت محنت کر رہی ہیں۔تاہم انہوں نے ان لوگوں کا نام نہیں لیا جو کشمیر میں پرامن ماحول سے خوش نہیں ہیں۔انہوں نے کہا کہ جموں و کشمیر ترقی کی راہ پر گامزن ہے اور آنے والے سالوں میں یہ خطہ ترقی اور سرمایہ کاری کے لحاظ سے ملک میں ایک ماڈل مقام کے طور پر ابھرے گا۔ انہوںنے کہاکہ جموں کشمیرG-20 سربراہی اجلاس کی میزبانی بھی کرے گا جس سے جموں و کشمیر کی سرمایہ کاری کو بڑا زور ملے گا۔بعد میں نامہ نگاروں سے بات کرتے ہوئے، ایل جی سنہا نے کہا کہ وزیر اعظم نریندر مودی کی ذاتی مداخلت سے، جموں و کشمیر ضلعی برآمدی منصوبوں پر کام کر رہا ہے اور اگلے پانچ سالوں میں، جموں و کشمیر کو برآمدی محاذ پر بڑا زور ملے گا اور یوٹی کی برآمدی صلاحیت پوری طرح تیار ہے۔ اس موقعے پر انہوں نے نامہ نگاروں کے سوالات کا جواب دیتے ہوئے کہا کہ جموں کشمیر میں لوگوں کو اپنی حکومت قائم کرنے کا موقع دیا جائے گا اور جلد ہی انتخابات بھی کرائے جائیں گے ۔ انہوں نے بتایا کہ ہم انتخابی عمل کےلئے تیاریاں کررہے ہیں اور حد بندی کمیشن کی حتمی رپورٹ مرکز کو سونپے جانے کے بعد اس میںاور کوئی بڑی رُکاوٹ نہیں ہے ۔ انہوںنے کہا کہ اب یہاں پر سیاسی سرگرمیاں شروع ہوچکی ہیں اور لوگ بھی جلد انتخابات کرانے کے حق میں ہیں۔