لائن آف کنٹرول پر پونچھ سیکٹر میں دراندازی کی کوشش بناکام

جنگلات میںممکنہ طور پر موجودہ جنگجوﺅں کو ڈھونڈ نکالنے کیلئے آپریشن جاری / فوج
فوج نے لائن آف کنٹرول پر جموں کے پونچھ سیکٹر میں دراندازی کی کوشش کو ناکام بنانے کا دعویٰ کیا ہے۔ دفاعی ترجمان نے اس کی تصدیق کرتے ہوئے بتایا کہ جنگلات میںممکنہ طور پر موجودہ جنگجوﺅں کو ڈھونڈ نکالنے کیلئے آپریشن جاری ہے ۔ اس ضمن میں نمائندے نے تفصیلات فراہم کرتے ہوئے بتایا کہ لائن آف کنٹرول پر جموں کے پونچھ سیکٹر میں فوج نے دراندازی کی ایک بڑی کوشش کو ناکام بنایا ۔ جموں میں مقیم ترجمان لیفٹنٹ کرنل دیویندر آنند نے بتایا کہ رات کے وقت پونچھ سیکٹر میں ایل او سی پر دراندازی کی کوشش کی گئی۔ انہوں نے کہا کہ چوکس فوجیوں نے اس کوشش کو مناسب طریقے سے ناکام بنا دیا ۔ انہوں نے بتایا کہ جنگجوﺅں کی جانب سے کوشش کے بعد سیکورٹی فورسز نے انہیں للکارا اور واپس جانے کو کہا تاہم عسکریت پسندوں نے فائرنگ کی ۔ انہوں نے بتایا کہ علاقے میں کچھ وقت تک جھڑپ جاری رہی جس کے بعد درانداز واپس جانے پر مجبور ہوگئے ۔ ۔انہوں نے کہا کہ فوج کے دستوں نے دراندازی کی کوشش کا پتہ لگایا اور جوابی کارروائی کی۔ادھر ذرائع نے بتایا کہ پونچھ کے کھاری علاقے میں آگے کی جگہوں پر تعینات فوجیوں نے بھاری ہتھیاروں سے لیس مبینہ عسکریت پسندوں کے ایک گروپ کی دراندازی کی کوشش کو ناکام بنایا۔ اس کے بعد فوج اور دراندازوں کے درمیان فائرنگ ہوئی جو کچھ دیر تک جاری رہی۔ انہوں نے مزید کہا کہ بڑے پیمانے پر آپریشن شروع کیا گیا ہے اور پورے علاقے کو گھیرے میں لے لیا گیا ہے۔