فیملی وزٹ ویزے پر آئے غیرملکی حج ادا نہیں کرسکیں گے :وزارت حج و عمرہ

الریاض:۸ مئی (یواین آئی) سعودی عرب کی وزارت حج و عمرہ کا کہنا ہے کہ فیملی وزٹ ویزے پر سعودی عرب آئے ہوئے غیرملکی حج ادا نہیں کرسکیں گے ۔وزارت حج و عمرہ کے اعلان کے مطابق اس سال حج ادائیگی کے لیے حج ویزا یا باضابطہ اقامہ ویزا ضروری ہوگا۔وزارت کا کہنا ہے کہ حج کے قواعد، انتظامات کا اعلان وزارت حج و عمرہ کے تحت ہوگا۔اعلامیہ میں کہا گیا ہے کہ فیملی وزٹ ویزے پر مملکت میں آئے ہوئے ہیں حج ادا نہیں کرسکیں گے ۔خیال رہے کورونا کے دوسال بعد مملکت سعودی عرب نے اس سال سے ایک بار پھر اجتماعی حج کا اعلان کیا ہے جس کے بعد دنیا بھر میں مسلمان اس عظیم سعادت کو حاصل کرنے کیلئے سرگرداں ہوگئے ہیں۔