کورونا کے 1274 نئے کیس درج

ہندوستان میں مرنےوالوں کی مجموعی تعداد 521966 ہو گئی
نئی دہلی: ۹۱/ اپریل (یو این آئی) ملک بھر میں کورونا انفیکشن کے بڑھتے ہوئے معاملات کے درمیان گزشتہ 24 گھنٹوں میں ایک شخص کی موت ہوئی ہے، جس سے ملک میں مرنے والوں کی کل تعداد 5,21,966 ہو گئی ہے۔ اس وقت ملک میں کورونا سے اموات کی شرح 1.21 فیصد ہے۔صحت اور خاندانی بہبود کی مرکزی وزارت نے منگل کو یہاں بتایا کہ منگل کی صبح 7 بجے تک 1,86,72,15,865 کووڈ ویکسین دی گئی ہیں۔ وزارت نے کہا کہ گزشتہ 24 گھنٹوں میں کووڈ انفیکشن کے 1,274 نئے مریض سامنے آئے ہیں۔ اس کے ساتھ ہی ملک کے مختلف اسپتالوں میں زیر علاج کورونا مریضوں کی تعداد 11,860 ہو گئی ہے۔ یہ متاثرہ کیسز کا 0.03 فیصد ہے۔ روزانہ انفیکشن کی شرح 0.31 فیصد ہے۔وزارت نے کہا کہ اسی مدت میں 928 لوگوں کو کووڈ سے آزاد کیا گیا ہے۔ اب تک کل 4,25,11,701 لوگ کووڈ سے صحت یاب ہوئے ہیں۔ بحالی کی شرح 98.76 فیصد ہے۔گزشتہ 24 گھنٹوں میں ملک میں 4,01,909 کووڈ ٹیسٹ کیے گئے ہیں۔ ملک میں اب تک کل 83,25,06,745 کووڈ ٹیسٹ کیے جا چکے ہیں۔