دوبچوں سمیت 6افراد لقمہ اجل 25سے زائد زخمی

سرینگر/
ٹنل کے آر پار سڑک کے الگ الگ حادثات میں 2سیاحوں سمیت 6افراد کی موت واقع ہوئی ہے جبکہ 25کے قریب افراد زخمی ہوئے ہیں۔ تفصیلات کے مطابق سرینگر جموں شاہراہ پر جمعرات بعد دوپہر ایک گاڑی گہری کھائی میں جاگری جس کے نتیجے میں گاڑی میں سوار 2بچوں سمیت 4افراد لقمہ اجل بن گئے ہیں جبکہ اس حادثے میں تین دیگر زخمی بھی ہوئے ۔ ذرائع کے مطابق اودھمپور میں کیلا رام نگر میں ایک ایکو گاڑی کو یہ حادثہ اُس وقت پیش آیا جب گاڑی ڈرائیور کے قابو سے باہر ہوکر گہری کھائی میں جاگری ۔ حادثہ کے فوراً بعد پولیس نے مقامی لوگوں کی مدد سے بچاﺅ کارروائی شروع کی اور زخمیوں کو فوری طور پرہسپتال پہنچایا گیا۔ حادثے میں مرنے والے افراد اور زخمی کی فور طور پر شناخت نہیں ہوسکی ۔ذرائع کے مطابق حادثے میں مرنے والوں میں ایک 10ماہ کا نوزائد بچہ اور ڈھیڑ سال کی بچی بھی شامل ہیں۔
ادھر وسطی کشمیر کے گاندربل ضلع میں کنگن ہاری گنون کے مقام پر سیاحوں سے بھری ایک گاڑی ڈرائیور کے قابو سے باہر ہوکر سڑک پر لڑھک گئی جس کے نتیجے میں گاڑی میں سوار سیاحوں میں سے 2کی موقعے پر ہی موت واقع ہوئی جبکہ اس حادثے میں 22افراد زخمی ہوئے ہیں جن کو فوری طور پر نزدیکی ہسپتال پہنچایا گیا جہاں سے کئی زخمیوں کو سرینگر منتقل کیا گیا ہے ۔ اس حادثے کے حوالے سے پولیس ذرائع نے بتایا کہ زخمیوں کا ہسپتال میں علاج چل رہا ہے اور پولیس نے رپورٹ درج کرلی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔