سرینگرسے ممبئی تک بذریعہ سڑک صرف 20گھنٹے لگیں گے

جموں کشمیر اور ملک کے دیگر شہروں میں امریکہ جیسی سڑکیں بنیں گی ۔ نتن گڈکری
سڑک ٹرانسپورٹ اور شاہراہوں کے وزیر نتن گڈکری نے کہا ہے کہ 2024سرینگر سے ممبئی تک سڑک کے ذریعے سفر صرف 20گھنٹوں کا ہوگا ۔ انہوںنے بتایاکہا جموں کشمیر میں سڑک کے مختلف پروجیکٹ دردست لئے جاچکے ہیں اور ان پر کام جاری ہے ۔ انہوںنے بتایا کہ جموں کشمیر اور ملک کے دیگر شہروں میں 2024تک سڑکیں امریکہ جیسی ہوں گی ۔ اطلاعات کے مطابق لوک سبھا میں ایک سوال کا جواب دیتے ہوئے ٹرانسپورٹ ،سڑک اور شاہراہوں کے وزیر نتن گڈکری نے بتایا کہ مودی سرکار ملک کی سڑکوں کو بہتر بنانے کی طرف خصوصی توجہ دے رہی ہے ۔ انہوںنے کہا کہ مرکزی سرکار عوام کو بنیادی سطح پر فائدہ پہنچانے کی کوشش میں ہیں ۔ اس دوران نتن گڈکری نے بتایا کہا لہہ لداخ اور سرینگر میں مختلف سڑک پروجیکٹ در دست لئے جاچکے ہیں جن میں زوجیلا ٹنل بھی شامل ہیں جس سے سرینگر اور لہہ کے درمیان ہر موسم میں راستہ کھلا رہے گا ۔ انہوں نے بتایا کہ سرکار جموں کشمیر میںکئی پروجیکٹ ایسے ہیں جن کے مکمل ہونے کے بعد یہ ملک میں منفرد پروجیکٹ ہوں گے ۔ گڈکری نے مزید بتایا کہ سال 2024تک سرینگر سے ممبئی تک سڑک کے ذریعے صرف 20گھنٹوں میں سفر طے کیا جائے گا اور یہ تبھی ممکن ہے جب یہ سڑک بہتر ہوں گے ۔ انہوںنے بتایا کہ سرکار کی طرف سڑکوں کے بہتر نظام کی طرف مرکوز ہیں اور جموں کشمیر کے علاوہ ملک کے دیگر شہروںمیںامریکہ جیسی اچھی سڑکیں ہوںگی ۔ ایوان میں نتن گڈکری نے بتایا کہ ملک کی سڑکیں 2024تک اتنی ہی اچھی ہو جائیں گی جتنی کہ امریکہ میں ہے انہوں نے یہ بات لوک سبھا میں سڑک ٹرانسپورٹ اور شاہراہوں کی وزارت کے مطالبات زر پر بحث کا جواب دیتے ہوئے کہی۔ گڈکری نے ایوان کو لیہہ، لداخ اور سری نگر میں شروع کئے گئے کئی پروجیکٹوں کے بارے میں بتایا۔ وزیر موصوف نے ایوان کو بتایا کہ وزیر اعظم کی قیادت والی سرکار لوگوں کو زمینی سطح پر فائدہ پہنچانے کی کوشش میں ہیںاور سڑکوںکی بہتری اس سلسلے کی ایک کڑی ہے ۔