جموں کشمیر میں اسمبلی انتخابات کےلئے راہ ہموار ،حد بندی کمیشن 6 مئی کو حتمی رپورٹ پیش کرے گا

انتخابی فہرستوں کو سفارشات کے بعد اپ ڈیٹ کیا جائے گا،انتخابات ستمبر اکتوبر مہینے میں ہونے کی توقع
جموں کشمیر میں اسمبلی انتخابات ستمبر اکتوبر میں منعقد ہونے کی توقع کی جارہی ہے ۔کمیشن 6مئی کو ترمیم شدہ حتمی رپورٹ وزارت داخلہ کو پیش کرے گا۔ اس سلسلے میں الیکشن کمیشن صورتحال کا اعلیٰ سطحی جائزہ لینے کے بعد اسمبلی انتخابات کا فیصلہ کرے گا۔سرکاری ذرائع نے بتایا کہ حد بندی کمیشن 6 مئی کی توسیع شدہ ٹائم لائن کے اندر جموں و کشمیر کی 90 اسمبلیوں اور پانچ پارلیمانی حلقوں کی حدود کے تعین کے لیے اپنا کام مکمل کر لے گا اور وہ حتمی رپورٹ پیش کرنے کے لیے مزید توسیع کی کوشش نہیں کرے گا۔مرکزی وزیر داخلہ امت شاہ نے حال ہی میں کہا تھا کہ جموں و کشمیر میں اسمبلی انتخابات حد بندی کی مشق مکمل ہونے کے بعد چھ سے آٹھ ماہ کے اندر کرائے جائیں گے۔اطلاعات کے مطابق جموں کشمیر میں اسمبلی انتخابات رواں برس کے اختتام سے قبل منعقد ہونے کی توقع کی جارہی ہے ۔ سرکاری ذرائع نے بتایا کہ ستمبر یا اکتوبر کے مہینے سے انتخابات منعقد کرانے کےلئے وزیر داخلہ اور الیکشن کمیشن آف انڈیا کے مابین بات چیت ہوگی جس میں جموں کشمیر کی حفاظتی صورتحال کو مد نظر رکھتے ہوئے الیکشن کا بگل بجادیا جائے گا۔ سرکاری ذرائع کے مطابق حد بندی کمیشن 6 مئی کو اپنی رپورٹ پیش کرے گا جس کے بعد انتخابی نشستوں فہرستوںکے مسودے پر نظرثانی الیکشن کمیشن کی طرف سے کی جائے گی جبکہ اسمبلی انتخابات کے انعقاد کی حتمی تاریخ کا فیصلہ لینے سے قبل سیکورٹی سمیت صورتحال کے تمام پہلوو¿ں کا جائزہ لیا جائے گا۔ سرکاری ذرائع نے بتایا کہ حد بندی کمیشن 6 مئی کی توسیع شدہ ٹائم لائن کے اندر جموں و کشمیر کی 90 اسمبلیوں اور پانچ پارلیمانی حلقوں کی حدود کے تعین کے لیے اپنا کام مکمل کر لے گا اور وہ حتمی رپورٹ پیش کرنے کے لیے مزید توسیع کی کوشش نہیں کرے گا۔کمیشن نے 14 مارچ کو اپنی رپورٹ پبلک ڈومین میں ڈالی تھی اور 21 مارچ تک عوام سے اعتراضات طلب کیے تھے۔ پینل 28 اور 29 مارچ کو جموں و کشمیر کا دورہ کرے گا تاکہ اعتراضات کا فیصلہ کرنے کے لیے عوامی اجلاسوں میں شرکت کی جا سکے۔اعتراضات پر غور کرنے کے بعد پینل اپنی رپورٹ مرکزی وزارت قانون و انصاف کو 6 مئی کو یا اس سے پہلے پیش کرے گا۔اس بات پر زور دیتے ہوئے کہ آخری حد بندی کمیشن کو رپورٹ پیش کرنے میں سات سال لگے تھے، ذرائع نے کہا کہ موجودہ پینل کووڈ کی وبا کے باوجود دو سال اور دو ماہ کے اندر اپنا کام مکمل کر لے گا جبکہ کووڈ 19کی وجہ سے وہ پہلے سال میں زیادہ کام نہیں کر سکا۔جسٹس (ریٹائرڈ) رنجنا پرکاش دیسائی کی سربراہی میں اور چیف الیکشن کمشنر (سی ای سی) سشیل چندرا اور ریاستی الیکشن کمشنر (ایس ای سی) کے کے شرما پر مشتمل، کمیشن 6 مارچ 2020 کو ایک سال کی مدت کے ساتھ قائم کیا گیا تھا جس میں مزید ایک سال کی توسیع کی گئی تھی۔ . جبکہ اس کی مدت 6 مارچ 2022 کو ختم ہونے والی تھی، اسے اس سال 6 مئی تک دو ماہ کی توسیع دی گئی۔اسمبل