وادی کشمیر میں بدھ کو رات کے درجہ حرارت میں قدرے کمی آئی لیکن معمول سے زیادہ رہا

سرینگر/16مارچ/ وادی کشمیر میں موسم میں مسلسل بہتری آرہی ہے اور اگرچہ رات کے درجہ حرارت میں کمی واقع ہوئی ہے تاہم امسال اس وقت گزشتہ برس کے بنسبت شبانہ درجہ حرارت قریب 4سینٹی گریڈسیلسیس زیادہ ہے ۔ ادھر محکمہ موسمیات نے اگلے چند دنوں تک جموں کشمیر میں موسم خشک رہنے کی پیش گوئی کی ہے ۔ کرنٹ نیوز آف انڈیا کے مطابق وادی کشمیر میںکے ساتھ ساتھ جموں اور لداخ خطوں میں بھی موسم خشک رہنے کے نتیجے میں رفتہ رفتہ درجہ حرارت میں اضافہ ہورہا ہے ۔ اس بیچ محکمہ موسمیات کے ذرائع نے بتایا کہ جموں و کشمیر کے گرمائی دارالحکومت سرینگر میں گزشتہ رات کے 10.8 ڈگری سینٹی گریڈ کے مقابلے میں کم سے کم 7.9 ڈگری سینٹی گریڈ ریکارڈ کیا گیا۔ سال کے اس وقت سرینگرکے لیے درجہ حرارت معمول سے 4.2°C زیادہ ہے۔محکمہ کے مطابق قاضی گنڈ میں گزشتہ رات 8.7 ڈگری سینٹی گریڈ کے مقابلے میں 6.4 ڈگری سینٹی گریڈ ریکارڈ کیا گیا۔ انہوں نے کہا کہ کشمیر کے گیٹ وے ٹاو¿ن کے لیے درجہ حرارت معمول سے 4.1 ڈگری سینٹی گریڈ زیادہ تھا۔کوکرناگ، جنوبی کشمیر میں بھی، گزشتہ رات 9.3 ° C کے مقابلے میں 7.7 ° C کا کم درجہ حرارت ریکارڈ کیا گیا اور یہ موسم کے اس وقت کے دوران معمول سے 5.2 ° C زیادہ تھا۔ انہوںنے بتایاجنوبی کشمیر کے مشہورسیاحتی مقام پہلگام میں کل رات 5.2 ڈگری سینٹی گریڈ کے مقابلے میں 1.8 ڈگری سینٹی گریڈ ریکارڈ کیا گیا۔ انہوں نے کہا کہ درجہ حرارت معمول سے 3.0 ڈگری سینٹی گریڈ زیادہ تھا۔محکمہ موسمیات کے ایک عہدیدار نے بتایا کہ گلمرگ میں گزشتہ رات 2.0 ڈگری سینٹی گریڈ کے مقابلے میں 1.0 ڈگری سینٹی گریڈ ریکارڈ کیا گیا۔ انہوں نے کہا کہ سیاحتی مقام میں سال کے اس وقت درجہ حرارت معمول سے 4.3 °C زیادہ تھا۔شمالی کشمیر کے کپواڑہ قصبے میں گزشتہ رات 8.5 ڈگری سینٹی گریڈ کے مقابلے میں 6.5 ڈگری سینٹی گریڈ ریکارڈ کیا گیا۔ اہلکار نے بتایا کہ یہاں بھی درجہ حرارت معمول سے 4.2 ڈگری سینٹی گریڈ زیادہ تھا۔ادھر صوبہ جموں میں کم سے کم درجہ حرارت 16.8 ڈگری سینٹی گریڈ ریکارڈ کیا گیا جو گزشتہ رات 18.5 ڈگری سینٹی گریڈ تھا۔ انہوں نے کہا کہ سال کے اس وقت کے دوران جموں و کشمیر کے سرمائی دارالحکومت میں درجہ حرارت معمول سے 2.8 ° C زیادہ تھا۔جبکہ بانہال میں کم سے کم درجہ حرارت 14.4 ڈگری سینٹی گریڈ ریکارڈ کیا گیااسی طرح بٹوت میں کم سے کم درجہ حرارت 13.5 ڈگری سینٹی گریڈ جبکہ بھدرواہ میں کم سے کم درجہ حرارت 9.3 ڈگری سینٹی گریڈ ریکارڈ کیا گیا۔دریں اثناءلداخ کے لیہہ میں گزشتہ رات 0.2 ڈگری سینٹی گریڈ کے مقابلے میں کم از کم 1.2 ڈگری سینٹی گریڈ ریکارڈ کیا گیا جبکہ کرگل سٹیشن میں منفی 4.7 ڈگری سینٹی گریڈ ریکارڈ کیا گیا۔ ماہر موسمیات نے کہا کہ جموں و کشمیر میں اگلے کئی دنوں تک زیادہ تر خشک موسم کی توقع ہے۔