بانہال سے بارہمولہ تک چلنے والی ریل خدمات معطل ، مسافر پریشان

سرینگر کے نوگام علاقے میں ہوئی مسلح تصادم آرائی کے پیش نظر بانہال سے بارہمولہ تک چلنے والی ریل خدمات بدھ کو معطل رہی جس کے نتیجے میںمسافروں کو کافی پریشانیوں کا سامنا کرنا پڑا۔اطلاعات کے مطابق سرینگر کے نوگام علاقے میں سیکورٹی فورسز اور جنگجوﺅں کے مابین مسلح جھڑپ ہوئی جس میں عسکری تنظیم لشکر طیبہ سے وابستہ تین مقامی جنگجو جاں بحق ہو گئے ۔ علاقے میں جھڑپ کی شروعات کے ساتھ ہی بانہال سے بارہمولہ کے درمیان چلنے والی ریل خدمات معطل کر دی گئی ہے ۔ محکمہ ریلوئے کے ایک سنیئر آفیسر نے اس کی تصدیق کرتے ہوئے بتایا کہ جھڑپ کے بعد امن و امان کی صورتحال کو مد نظر رکھتے ہوئے بتایا کہ امن و امان کی صورتحال کو مد نظر رکھتے ہوئے حکام نے محکمہ ریلوئے کو ہدایت دی کہ آج یعنی بدھ کو بانہال سے بارہمولہ کے مابین چلنی والی ریل خدمات معطل کر دی جائے ۔ انہوں نے مزید بتایا کہ انتظامیہ کی جانب سے ہری جھندی ملنے کے ساتھ ہی آج یعنی جمعرات کو ریل سروس مکمل طور پر بحال کی جائے گی ۔ ادھر بانہال سے بارہمولہ کے درمیان چلنے والی ریل سروس کی معطلی کی وجہ سے مسافروں کو کافی پریشانیوں کا سامنا کرنا پڑا ۔