وزیر داخلہ امیت شاہ دو روزہ دورہ جموں کشمیر کیلئے جمعہ کو جموں پہنچے گئے

سی آر پی ایف کی تقریب میں شرکت کے بعد 19مارچ کو اعلیٰ سطحی سیکورٹی میٹنگ کی صدارت کریں گے
سرینگر/17مارچ/// مرکزی وزیر داخلہ امیت شاہ جمعہ کو جموں کشمیر کے دو روزہ دورے پر وارد ہو رہے ہیںجس دوران وہ کئی ترقیاتی پروجیکٹوں کا افتتاح کرنے کے علاوہ س آر پی ایف کے 83یوم تاسیس کی تقریب میں بھی متوقع طور پر شرکت کریں گے ۔ سی این آئی کو معلوم ہوا ہے کہ مرکزی وزیر داخلہ امیت شا ہ جمعہ کو جموں کشمیر کے دورے پر وارد ہو رہے ہیں ۔ ذرائع سے معلوم ہوا ہے کہ دورے جموں کشمیر کے دوران وزیر داخلہ امیت شاہ جموں کشمیر میں سیکورٹی صورتحال کا بھی جائیزہ لیں گے جبکہ اس کے علاوہ دیگر کئی ترقیاتی پروجیکٹوں کا جائزہ لینے کے علاوہ کئی ایک کا افتتاح بھی ان کے ہاتھوں متوقع ہے ۔ اس دوران یہ بھی معلوم ہوا ہے کہ امیت شاہ 18مارچ کو سی آر پی ایف کے 83ویں یوم تاسیس کی تقریب میں بھی شرکت کریں گے تاہم فوری طور پر اس کی کئی سے بھی تصدیق نہیںہوئی ہے ۔ذرائع سے معلوم ہوا ہے کہ امیت شاہ 18مارچ کو جموں میں سی آر پی ایف کی تقریب میں شرکت کریں گے جبکہ 19مارچ کو سیکورٹی میٹنگ کی صدارت کرنے کے بعد وہ شام کو واپس دلی روانہ ہونگے ۔ معلوم ہوا ہے کہ امیت شاہ کی سربراہی میں ہونی والی سیکورٹی میٹنگ میں پولیس ، فوج اور انٹیلی ایجنسیوں کے تمام اعلیٰ آفیسران شرکت کر ینگے جس دوران جموں کشمیر کی مجموعی سیکورٹی صورتحال کا جائیزہ لیا جائے گا ۔ خیال رہے کہ اس سے قبل امیت شاہ کو 19مارچ کو جموں کے ایک روزہ دورے پر وارد ہونا تھا تاہم اب ذرائع سے معلوم ہوا ہے کہ اب وہ دو روزہ دورے کیلئے آ رہے ہیں ۔