کورونا وائرس سے مرنےوالوں کی تعداد میں ایک بار پھر اضافہ

255 مریضوں کی موت ہوگئی ، ایک دن پہلے یہ تعداد 104 تھی
نئی دہلی: ۱۱ مارچ (یو این آئی) ملک میں کورونا انفیکشن کے معاملوں میں مسلسل گراوٹ کے درمیان گزشتہ 24 گھنٹوں میں اس وباءسے 255 مریضوں کی موت ہوگئی ،جبکہ ایک دن پہلے یہ تعداد 104 تھی۔ مرکزی وزارت برائے صحت کی طرف سے جاری کردہ اعداد و شمار کے مطابق ہندوستان میں گزشتہ 24 گھنٹوں کے دوران کورونا انفیکشن کے 4,194 کیسز سامنے آئے ہیں اورمتاثرین کی مجموعی تعداد 4.29 کروڑ تک پہنچ گئی ہے۔ اس دوران 6,208 مریضوں نے کورونا کو شکست دی ہے جس کے ساتھ ہی کورونا سے صحتیاب ہونے والوں کی تعداد بڑھ کر 4.24 کروڑ ہو گئی ہے۔ دریں اثنا ایکٹوکیسز2,269 کم ہونے سے ان کی تعداد 42,219 رہ گئی ہے۔ وہیں کورونا انفیکشن سے مرنے والوں کی تعداد بڑھ کر 5.15 لاکھ ہو گئی ہے۔ ملک میں شفایابی کی شرح 98.70 فیصد ہو گئی ہے اورایکٹوکیسز کی شرح 0.10 فیصد رہ گئی ہے جبکہ اس وقت شرح اموات 1.20 فیصد ہے۔ کیرالہ میں گزشتہ 24 گھنٹوں میں ایکٹو کیسز 856 کم ہونے کے بعد تعداد کم ہو کر 11,840 رہ گئی ہے۔ وہیں 2,055 افراد کے صحتیاب ہونے کے بعد اس سے نجات پانے والوں کی تعداد 64,39,421 ہو گئی ہے جبکہ مرنے والوں کی تعداد 66,689 ہو گئی ہے۔ مہاراشٹر میں ایکٹو کیسز 46 کم ہو کر 6,966 رہ گئے ہیں۔ اس دوران ریاست میں 494 افراد کے صحتیاب ہونے کے بعد اس وبا کو شکست دینے والوں کی تعداد بڑھ کر 77,19,594 ہوگئی۔ ریاست میں مرنے والوں کی تعداد 143749 تک پہنچ گئی ہے۔