درگاہ حضرت بل میں پاکستانی جنگجو ہلاک ، دو فرار

ملی ٹنٹ اب عبادت گاہوں میں پنا ہ لیتے ہیں، بڈگام میں فوجی اہلکار کی ہلاکت کی تحقیقات ہر سطح سے جاری / وجے کمار
حضرت بل سرینگر میں مختصر شوٹ آوٹ کے دوران ٹی آر ایف کے پاکستانی کمانڈر کی ہلاکت کی تصدیق کرتے ہوئے آئی جی پی کشمیر وجے کمار نے کہا کہ تین جنگجو درگارہ حضرت بل کی حفاظت پر معمور پولیس اہلکاروں سے ہتھیار چھینے کے غرض سے آئے تھے اور ان کی کوشش ناکام بنائی گئی ۔ انہوں نے کہا کہ مذکورہ کمانڈر سرینگر میں گزشتہ چھ ماہ سے سرینگر میں سرگرم تھا ۔ اسی دوران انہوں نے مزید کہا کہ پلوامہ میں دو ملی ٹنٹ مارے گئے جبکہ بڈگام میں فوج اہلکار کی ہلاکت کی ہر سطح سے تحقیقات کی جا رہی ہے ۔ اطلاعات کے مطابق آئی جی پی کشمیر وجے کمار نے کہا کہ سرینگر کے حضرت بل علاقے میں مختصر شوٹ آوٹ کے دوران ٹی آر ایف کا پاکستانی کمانڈر حیدر عرف حمزہ مار گیا جبکہ ان کے دو ساتھی فورسز کو چکمہ دیکر فرار ہو گئے ۔ آئی جی پی کا کہنا تھا کہ تین ملی ٹنٹ درگاہ حضرت بل کی حفاظت پر معمور پولیس اہلکاروں سے ہتھیار چھیننے کی غرض سے آئیں تھے جس دوران وہاں مختصر شوٹ آوٹ ہوا جس میں ایک پاکستانی جنگجو مارا گیا جبکہ دو دیگر فرار ہوئے جن کی تلاش بڑے پیمانے پر جاری ہے ۔ انہوں نے مزید کہا کہ پاکستانی جنگجو گزشتہ چھ ماہ سے سرینگر میں سرگرم تھا جبکہ درگاہ کی حفاظت پر تعینات پولیس اہلکاروں نے ہتھیار چھینے کی کوشش ناکام بنائی ۔اور طرفین کے مابین گولی باری میں ایک جنگجو مارا گیا جس کا ویڈیو حالیہ میں سوشل میڈیا پر وائرل ہو گیا تھا ۔ انہوں نے کہا کہ جنگجو اب عبادت گاہوں میں پنا ہ لیتے ہیں تاہم پولیس متحرک ہے اور ایسی ہر کوشش کا ناکام بنایا جاتا ہے۔ انہوں نے مزید کہا کہ پلوامہ کے نائنہ علاقے میں بھی دو مقامی لشکر جنگجوﺅں نے پہلے مسجد میںپناہ لی تھی جس کے بعد ابتدائی فائرنگ کے ساتھ ہی وہ دوسرے مکان میںمنتقل ہو گئے اور بعد میںد ونوں مارے گئے ۔ بڈگام میں ٹیوریل فوجی اہلکار کی نعش ملنے سے متعلق ایک سوال کے جواب میں آئی جی بی کشمیر نے بتایا کہ پولیس اس معاملے کی پر سطح پر تحقیقات کر رہی ہے اور یہ بات جاننے کی کوشش کی جا رہی ہے کہ فوجی اہلکار کی موت کیسے واقع ہوئی ہے ۔