نائنہ بٹہ پورہ پلوامہ میں جھڑپ ، حضرت بل سرینگر میں مختصر شوٹ آوٹ

پاکستانی ٹی آر ایف کمانڈر اور دو مقامی لشکر جنگجو جاں بحق ، اسلحہ و گولہ بارود بھی ضبط
پلوامہ جھڑپ کے بعد کئی علاقوں میں انٹر نیٹ خدمات معطل ، بانہال سرینگر ریل سروس بھی بند
وادی کے شمال و جنوب میں جنگجو مخالف آپریشنوں میں تیزی کے بیچ جنوبی ضلع پلوامہ کے نائنہ بٹہ پورہ علاقے میںمسلح تصادم آرائی کے دوران عسکری تنظیم لشکر طیبہ سے وابستہ دو مقامی جنگجو جبکہ سرینگر کے حضرت بل علاقے میں مختصر شوٹ آوٹ کے دوران پاکستانی جنگجو جاں بحق ہو گیا جبکہ ان کے دو دیگر ساتھی فرار ہونے میںکامیاب ہو گئے ۔ ادھر پلوامہ جھڑپ کے ساتھ ہی ضلع کے مختلف علاقوں میں انٹر نیٹ خدمات معطل کر دی گئی جبکہ بانہال سے سرینگر کے درمیان چلنے والی ٹرین سروس بھی احتیاطی طور پر معطل رہی ۔ دفاعی ذرائع سے معلوم ہو اہے کہ نائنہ بٹہ پورہ پلوامہ میں دو لشکر جنگجوﺅں کی اطلاع ملنے کے بعد فوج کے 55آر آر، سی آر پی ایف اور جموں کشمیر پولیس نے جمعرات کی اعلیٰ الصبح علاقے میںتلاشی آپریشن عمل میںلایا ۔ ذرائع سے معلوم ہوا ہے کہ علاقے میں کافی دیر تک سیکورٹی فورسز نے تلاشی آپریشن عمل میںلایا اور جونہی تلاشی آپریشن کے دوران س جگہ کی جانب پیش قدمی کرنے کی کوشش کی جہاں جنگجوﺅں چھپے بیٹھے تھے تو وہاں موجود جنگجوﺅں نے فورسز پر فائرنگ کی جس کے ساتھ ہی علاقے میں گولیوں کا مختصر تبادلہ ہوا ۔ذرائع کے مطابق علاقے میں مختصر جھڑپ کے بعد وہاں خاموشی چھا گئی جس کے بعد محاصرے میں پھنسے جنگجوﺅںکو خود سپردگی کی بھی پیشکش کی تاہم انہوں نے وہ ٹھکرادی اور بعد میں ایک مرتبہ پھر وقفے وقفے سے دونوں اطراف سے فائرنگ کا تبادلہ ہوا ۔ ذرائع سے معلوم ہوا ہے کہ اسی دوران فورسز کی مزید کمک علاقے کی طرف روانہ کی گئی اورجنگجوﺅںکے خلاف کارورائی تیز کر دی گئی اور جونہی علاقے میںگولیوں کا تبادلہ تھم گیا تو جھڑپ کے مقام سے دو جنگجوﺅں کی نعشیں بر آمد کر لی گئی۔ ذرائع کے مطابق دونوں جنگجوﺅں کا تعلق عسکری تنظیم لشکر طیبہ سے تھا اور دونوں کے بارے میں بتایا جاتا ہے کہ وہ مقامی تھے ۔ ذرائع نے بتایا کہ دونوں جنگجوﺅں سے ہتھیار اور گولہ باردو بھی ضبط کر لیا گیا ہے ۔ ادھر پلوامہ جھڑپ کے کچھ ہی دیگر بعد سرینگر کے حضرت بل علاقے میں سیکورٹی فورسز اور جنگجوﺅں کے مابین مختصر شوٹ آوٹ ہوا جس میں ایک غیر ملکی جنگجو مارا گیا ۔جبکہ اس کے دیگر دو ساتھی فرار ہو گئے ۔ پولیس کے مطابق علاقے میں جنگجوﺅں کی موجودگی کی اطلاع ملنے کے بعد جموں کشمیر پولیس اور سی آر پی ایف نے وہاں تلاشی آپریشن عمل میںلایا ۔ ذرائع سے معلوم ہوا ہے کہ علاقے میںتلاشی آپریشن کے ساتھ ہی وہاں مختصر جھڑپ ہوئی جس میں ایک جنگجو مارا گیا ۔ پولیس کے ایک سنیئر آفیسر نے دونوں جھڑپوں کی تصدیق کرتے ہوئے بتایا کہ پلوامہ کے نائنہ بٹہ پورہ اور سرینگر کے حضرت بل علاقے میں دو جھڑپوں کے دوران تین جنگجوﺅں کا ہلاک کیا گیا ۔ سرینگر جھڑپ سے متعلق آئی جی پی کشمیر کا کہنا تھا کہ سرینگر شوٹ آوٹ میںپاکستانی ٹی آر ایف کمانڈر حیدر مار ا گیا جبکہ دو ساتھی فرار ہونے میںکامیاب ہو ئے جن کی تلاش جاری ہے ۔ ادھر پلوامہ جھڑپ کے ساتھ ہی ضلع کے مختلف علاقوں میں انٹر نیٹ خدمات معطل کر دی گئی جبکہ بانہال سے سرینگر کے درمیان چلنے والی ٹرین سروس بھی احتیاطی طور پر معطل رہی ۔