سرینگر گرینیڈ حملہ
نوعمر لڑکی کی موت کے ساتھ مہلوکین کی تعداد بڑھ کر دو ہوگئی

سرینگر کے ہری سنگھ ہائی اسٹریٹ میں اتوار کی دوپہر کو ہونے والے گرینیڈ حملے میں شدید زخمی ہوئی نو عمر لڑکی پیر کی صبح یہاں ایک ہسپتال میں دم توڑ گئی اس طرح اس حملے میں مہلوکین کی تعداد بڑھ کر دو ہوگئی۔

سرکاری ذرائع نے بتایا کہ ہری سنگھ ہائی اسٹریٹ میں اتوار کی دوپہر کو ہونے والے گرینیڈ حملے میں زخمی ہوئی لڑکی پیر کی صبح قریب آٹھ بجے یہاں شری مہاراجہ ہری سنگھ ہسپتال(ایس ایم ایچ ایس) میں زخموں کی تاب نہ لا کر دم توڑ گئی۔

نو عمر لڑکی کی موت کے ساتھ اس حملے میں مہلوکین کی تعداد بڑھ کر دو ہوگئی ہے۔