آنے والے 24گھنٹوں میں گرج چمک کے ساتھ بارشوں اور برفباری کاامکان /محکمہ موسمیات

گزشتہ کئی دنوں سے جاری موسم بہار کے خوشگوار موسمی صورتحال کے چلتے سنیچروار کے روز مطلع ابر آلودرہنے کے بیچ محکمہ موسمیات نے آئندہ 24گھنٹوں میںوادی کشمیر کے چند ایک مقامات پر گرج چمک کے ساتھ میدانی علاقوں میں بارشوںجبکہ بالائی علاقوں میں برفباری کی پیشگوئی کی ہے۔محکمہ موسمیات کے ترجمان کے مطابق مغربی ہوائیں جموں و کشمیر کے حدود میں داخل ہو رہی ہے جس کے نتےجے میں بارشوں کے امکانات پیدا ہو گئے ہیںاور 8مارچ کے بعد دوپہر تک موسمی صورتحال خراب رہے گی ۔تفصیلات کے مطابق موسمیات نے ایک مرتبہ پھر وادی کشمیر میں مطلع ابر و آلود رہنے کے ساتھ ساتھ میدانی علاقوں میں بارشیں اور بالائی علاقوں میں برفباری ہونے کی پیشنگوئی کی ہے۔محکمہ موسمیات کے حکام کا کہنا ہے کہ آنے والے 24گھنٹوں کے دوران مغربی ہوائیں جموں و کشمیر کے حدود میں داخل ہوسکتی ہے اور موسم میں تبدیلی آنے کا امکان ہے ،محکمہ کا کہنا ہے کہ اتوار اور سوموار کی درمیانی رات سے وادی کشمیر کے چند ایک مقامات پر بارشیں ہونے کا امکان ہے۔محکمہ موسمیات کے صوبائی ناظم سونم لوٹس کا کہنا ہے کہ مارچ کا مہینہ مجموعی طور پر وادی کشمیر میں بارشوں کا سیزن ہوتا ہے۔انہوں نے کہا کہ مارچ کے مہینے میں ہونے والی بارشوں سے عام لوگوں کو گھبرانے کی کوئی ضرورت نہیں ہے۔تاہم انہوں نے کہا ہے کہ باغبانی شعبے سے وابستہ افراد کو خبردار رہنے کی ضرورت ہے۔یہامحکمہ موسمیات نے وادی میں 6 مارچ کی شام سے موسم خراب ہونے کی پیش گوئی کی ہے۔متعلقہ محکمے کے ایک ترجمان نے بتایا کہ وادی کشمیر میں 6 مارچ کی شام سے موسم خراب ہوسکتا ہے اور وادی کشمیر میں 8مارچ کے بعد دو پہر تک موسمی صورتحال خراب رہے گی جس کے بعد موسمی صورتحال میں بہتری آئی گئی ۔