بڈگام تصادم آرائی میں ایک جنگجو جاں بحق

وسطی کشمیر کے موچھو بڈگام میں فورسز اور جنگجوﺅں کے مابین ہوئی تصادم آرائی میں ایک جنگجو جاں بحق ہوا ہے جس کی شناخت شاکر بشیر بٹ ساکن گوری پورہ پلوامہ کے بطو رہوئی ہے ۔اس سلسلے میں پولیس نے بتایا ہے کہ مہلوک عسکریت پسند نے دو ماہ قبل لشکر طیبہ میں شمولیت اختیار کی تھی ۔ پولیس ذرائع نے بتایا کہ شاکر کا ایک ساتھی کو گرفتار بھی کرلیا گیا ہے جبکہ جائے واردات سے ہتھیار اور گولہ بارود برآمد کیا گیا ہے ۔