پولیس نے سرینگر سے 4جنگجوﺅں کے معاونین کو گرفتار کرنے کا دعویٰ کیا

سرینگر میں بدھ کے روز ٹی آر ایف کے ساتھ مبینہ طور پر وابستہ چار افراد کو گرفتار کرنے کا پولیس نے دعویٰ کیا ہے ۔ پولیس ذرائع نے بتایا ہے کہ مصدقہ اطلاع کی بناءپر پولیس نے ان افراد کو گرفتار کرلیا ہے جو جنگجوﺅں کو مبینہ طور پر مختلف طریقے سے معاونت کررہے تھے ۔ ذرائع کے مطابق پولیس نے باسط احمد ڈار ساکن ریڈونی کولگام اور مومن گلزار ساکن عید گاہ سرینگر کی گرفتاری عمل میں لائی ۔ ان افراد پر الزام ہے کہ وہ جنگجوﺅں کو وادی میں جنگجوئیانہ سرگرمیاں انجام دینے کےلئے معانت کررہے تھے ۔ پولیس نے اس سلسلے میں متعلقہ دفتات کے تحت کیس درج کرلیا ہے ۔ پولیس ذرائع کے مطابق اب تک اس معاملے میں چار افراد کی گرفتار ی عمل میں لائی گئی ہے جن میں بشارت احمد پامپوری ولد بشیر احمد پامپوری ساکن میدان پورا سرینگر ، عادل شفیع بٹ ولد محمد شفیع بٹ ساکن دریش کدل سرینگر ، مزمل فیاض صوفی ولد فیاض احمد صوفی ساکن باغ سندر پائین کاکہ سرائی ، کرنگر ، سرینگر اور عادل مشتاق میر ولد مشتاق احمد میر باغ سندر پائین میدان پورہ کے بطور بتائی جاتی ہے ۔