دسویں اور بارہویں جماعت کے نتائج کی تاریخ ابھی طے نہیں

سوشل میڈیا پر پھیلائی جانے والی افواہیں حقیقت سے بعید /بورڈ حکام
بورڈ آف اسکول ایجوکیشن نے سوشل میڈیا پر دسویں اور بارہویں جماعت کے نتائج کے حوالے سے پھیلائی جانے والی افواہوں پر شدید برہمی کا اظہار کرتے ہوئے بتایا کہ ابھی تک اس حوالے سے کئی تاریخ طے نہیں ہوئی ہے۔اطلاعات کے مطابق جموں و کشمیر بورڈ آف اسکول ایجوکیشن نے پیر کو کشمیر ڈویڑن کے 12ویں جماعت کے نتائج کے بارے میں آج پھیلائی جا رہی افواہوں کی تنقید کی ہے۔ بورڈ نے کہا ہے کہ ابھی تک بورڈ کی جانب سے نتائج کے اعلان کی کوئی تاریخ مقرر نہیں ہوئی ہے۔ بورڈ کے ایک اعلیٰ عہدیدار نے کہا کہ 12ویں اور 10ویں جماعت کے نتائج کے اعلان کی تاریخوں کو حتمی شکل دینا ابھی باقی ہے۔ ہم طلباءسے درخواست کرتے ہیں کہ وہ افواہوں پر کان نہ دھریں۔تاہم عہدیدار نے کہا کہ نتائج کا جلد ہی اعلان کیا جائے گا۔اس میں ابھی کچھ دن لگ سکتے ہیں۔ کچھ طریقوں کو مکمل کیا جانا ہے اور ایک بار جب سب کچھ ہو جائے گا، نتائج کا اعلان کیا جائے گا۔