مسلمانوں کے سلسلے میں ایس پی سربراہ مغالطے میں:مایاوتی

سہارنپور(یواین آئی) بہوجن سماج پارٹی(بی ایس پی) سپریمو مایاوتی نے اترپردیش اسمبلی انتخابات میں بی ایس پی کے ذریعہ سماج کے ہر طبقے کے امیدوار کو ٹکٹ دئیے جانے کا دعوی کرتے ہوئے سماج وادی پارٹی(ایس پی) پر مسلمانوں کو نظر انداز کرنے کا الزام لگاتے ہوئے کہا کہ اکھلیش کو لگتا ہے کہ مسلمان ان کی جیب میں ہیں۔مایاوتی نے ہفتہ کو سہارنپور میں عوامی ریلی سے خطاب کرتے ہوئے مسلم سماج سے سوال کیا’اترپردیش میں ایس پی کی اقتدار منتقلی اور بی جے پی کی تاج پوشی کے بعد مسلمانوں نے ایس پی کا سب سے زیادہ ساتھ دیا۔ یہ سب کو معلوم ہے۔ لیکن اس کے بدلے میں مسلم سماج کو ایس پی سے کیا ملا؟۔مسلم سماج کے لوگوں سے میں یہ پوچھنا چاہتی ہوں کہ ایس پی نے اترپردیش میں کتنے ٹکٹ ان کے سماج کے لوگوں کو دئیے ہیں‘۔بی ایس پی امیدوار کے حق میں انتخابی مہم کرنے یہاں پہنچ مایاوتی نے (ایس پی) پر مظفر نگر فسادات کی ا?ڑ میں مغربی اترپردیش کا بھائی چارہ ختم کرنے کا بھی الزام لگایا اور کہا یہ فساد مغربی اترپردیش میں ہوئے فساد کی واضح مثال ہے۔انہوں نے ایس پی صدر اکھلیش یادو کا نام لئے بغیر الزام لگایا کہ ایس پی کے سربراہ کو لگتا ہے کہ مسلمان ان کی جیب میں ہیں۔ ان کو ٹکٹ دے یا نہ دیں اس سے کوئی فرق نہیں پڑنے والا ہے۔مایاوتی نے کہا’میں اپنے مسلم بھائیوں کو یہ بتانا چاہتی ہوں خاص طور سے سہارنپور ڈویڑن کے مسلم بھائیوں کو کہ ا?پ لوگوں کو اب ایس پی کے سربراہ کو یہ بتا دینا ہے کہ مسلم سماج ان کی جیب میں نہیں ہے۔وہ اپنے حقوق کے لئے بیدار ہے۔اور مسلم سماج اسی پارٹی کے حق میں اپنی حق رائے دہی کا استعمال کرے گا جو پارٹی مسلم سماج کی جان۔ مال اور مذہب کی حفاظت کرنے کے ساتھ ساتھ انہیں آگے بڑھنے کا موقع دیتی ہے اور ہو پارٹی بی ایس پی ہی ہے۔مایاوتی نے کہا کہ مظفر نگر فساد میں جاٹوں کے ساتھ ساتھ مسلم سماج کو بھی جان۔ مال کا بہت نقصان اٹھانا پڑا تھا۔ مایاوتی نے کہا کہ مظفر نگر، شاملی اور کیرانہ میں کئی سالوں سے بھائی چارہ قائم تھا لیکن ایس پی کی حکومت میں اس بھائی چارے کو مظفر نگر فساد کی آڑ میں ختم کردیا گیا۔مایاوتی نے کہا کہ ایس پی حکومت میں مسلم سماج کے لوگوں کو ا?گے بڑھنے کا موقع دینا چاہئے تھے لیکن انہیں یہ موقع نہیں دیا گیا۔ بی ایس پی سپریمو نے کہا کہ سہارنپور ڈویڑن میں ہی مسلم سماج کے لوگ ایس پی کے دکھ۔ تکلیف میں ہمیشہ ساتھ کھڑے رہے۔ جواب میں جب ٹکٹ دینے کی بات ا?ئی تو ایس پی کے ذریعہ مسلمانوں کو نہ کے برابر ٹکٹ دئے گئے۔