راجوری میں نیند کی حالت میں نوجوان پر اندھا دھند فائرنگ

پولیس نے آس پاس علاقوں کو محاصرے میں لے کر حملہ آوروں کی تلاش شروع کی
راجوری کے بدھل علاقے میں نامعلوم بندوق برداروں نے ایک نوجوان پر فائرنگ کی جس وجہ سے اُس کی موقع پر ہی موت واقع ہوئی جبکہ دوسرے نوجوان کے رہائشی مکان پر گولیاں چلائیں گئیں ۔ پولیس نے واقعے کی تصدیق کرتے ہوئے بتایا کہ آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی گئی ہے۔ اطلاعات کے مطابق راجوری کے بدھل علاقے میں درمیانی رات کو نامعلوم افراد نے رہائشی مکان میں گھس کر ایک شخص پر نیند کی حالت میں گولیاں چلائیں جس وجہ سے اُس کی موقع پر ہی موت واقع ہوئی۔ نمائندے نے بتایا کہ مہلوک نوجوان کی شناخت اکرم حسین شاہ کے بطور ہوئی ہے۔ نمائندے نے بتایا کہ راجوری کے ہی تار گائی علاقے میں بندوق برداروں نے تابو شاہ کے مکان پر بھی فائرنگ کی ہے تاہم فائرنگ کے اس واقعے میں کسی کے زخمی ہونے کے بارے میں کوئی اطلاع موصول نہیں ہوئی۔ پولیس ذرائع نے بتایا کہ راجوری کے بدھل علاقے میں نامعلوم افراد نے نیند کی حالت میں جواں سال نوجوان کے سر پر گولی ماری جس وجہ سے وہ موقع پر ہی از جان ہوا ہے۔ انہو نے بتایا کہ سیکورٹی فورسز نے آس پاس علاقوں کو محاصرے میں لے کر حملہ آوروں کی بڑے پیمانے پر تلاش شروع کی ہے۔ ذرائع کا کہنا ہے کہ مذکورہ نوجوان کو کس بنیاد پر مارا گیا پولیس نے اس حوالے سے جانچ پڑتال شروع کی ہے جبکہ ملی ٹینسی زاویہ سے بھی اس کی تحقیقات شروع کی گئی ہے۔ پولیس نے بتایا کہ اس حوالے سے پوچھ تاچھ شروع کی گئی ہے۔