کپواڑہ کے کیرن سیکٹر میں ”بیٹ ایکشن “ناکام ،ایک درانداز ہلاک / فوج

درانداز کی نعش پاکستانی حکام کے حوالے کرنے کی خاطر رینجرس کے ساتھ رابط قائم کیا گیا
دراندازی کی کوشش کے مسلسل اطلاعات موصول ، سرحدو ں پر کسی بھی کوشش کو ناکام بنانے کیلئے فوج متحرک
کپواڑہ کے کیرن سیکٹر میں ”بیٹ ایکشن “ کو ناکام بناتے ہوئے ایک درانداز کو ہلاک کیا گیا کا دعویٰ کرتے ہوئے فوج کے 28 ڈویژن کے میجر جنرل ابھجیت پنڈھاکر نے کہا کہ جوابی کارورائی میں مارے گئے درانداز کی نعش پاکستانی حکام کے حوالے کرنے کی خاطر رینجرس کے ساتھ رابط قائم کیا گیا ہے ۔ انہوں نے کہا کہ لائن آف کنٹرول پر دراندازی کی کوشش کے مسلسل اطلاعات موصول ہو رہی ہے تاہم سرحدو ں پر کسی بھی کوشش کو ناکام بنانے کیلئے فوج متحرک ہے ۔اطلاعات کے مطابق کپواڑہ میں ایک پریس کانفرنس سے خطاب کرتے ہوئے فوج کے 28 ڈویژن کے جنرل آفیسر کمانڈنگ میجر جنرل ابھجیت پنڈھاکر نے بتایا کہ یکم جنوری کو دن کے قریب تین بجے سیز فائر معاہدے کی خلاف ورزی کرتے ہوئے کیرن سیکٹر میں ایل او سی پر جاکیٹ اور پٹھان لباس میں ملبوس ایک درانداز کو دیکھا گیا۔انہوں نے بتایا کہ درانداز جو اس پار داخل ہونے کی کوشش میں تھا کو دیکھنے کے بعد سرحد پر تعینات فوج نے اسے للکارا اور واپس جانے کو کہا تاہم درانداز آگے پیش قدمی کرتا رہا جس کے بعد فوجی اہلکاروں نے اس پر گولیاں چلائی جس کے نتیجے میں وہ ہلاک ہو گیا ۔ انہوں نے کہا کہ ک درانداز کی شناخت پاکستان سے تعلق رکھنے والے محمد شبیر کے بطور ہوئی اور اس کی تحویل سے ایک اے کے 47 رائفل، سات گرینیڈ اور دیگر اسلحہ وگولہ بارود برآمد کیا گیا جبکہ ا±س کے قبضے سے ویکسنیشن سرٹیفکیٹ اور شناختی کارڈ بھی برآمد کرکے تحویل میں لے لیا گیا ہے۔انہوں نے بتایا کہ مہلوک جنگجوسے برآمد شدہ کاغذات کی جانچ پڑتال کے دوران ا±س سے فوجی وردی میں بھی دکھایا گیا ہے۔فوجی آفیسر نے بتایا کہ مذکورہ ملی ٹینٹ نے دراندازی کی خاطر ا±سی روٹ کا استعمال کیا جہاں سے گزشتہ سال اپریل کے مہینے میں پانچ جنگجو اس طرف آئے تھے جنہیں کیرن سیکٹر میں ایک تصادم کے دوران مار گرایا گیا تھا۔میجر جنرل کے مطابق پاکستانی آرمی کے ساتھ ہارٹ لائن پر رابط قائم کرکے ملی ٹینٹ کی لاش کو واپس لینے کے بارے میں آگاہی فراہم کی گئی ہے۔ا±نہوں نے کہا کہ کپواڑہ میں امکانی دراندازی کے واقعات کو ناکام بنانے کی خاطر فوج کو چوبیس گھنٹے متحرک رہنے کے احکامات صادر کئے گئے ہیں۔ان کے مطابق سرحدوں پر تعینات افواج کسی بھی چیلنج کا مقابلہ کرنے کیلئے پوری طرح تیار ہیں۔