پندرہ سے 17سال عمر تک کے بچوں کوتین جنوری سے ٹیکہ کاری کے دائرے میں لایاجا ئےگا

بوسٹردوڑ 10جنوری سے شروع کیاجائےگا ،محکمہ ہیلتھ پوری طرح سے سرگرم /ڈائریکٹر ہیلتھ سروس کشمیر
وادی کشمیر میں 3جنوری سے 15سے 17برس تک کے بچوںکو کووڈ مخالف ڈوز دیا جارہا ہے جبکہ 10جنوری سے بوسٹر ڈوز دینے کےلئے بھی تیاریاں کیا جارہی ہیں ان باتوں کااظہار ڈائریکٹر ہیلتھ سروس کشمیر نے کیا ۔ وادی کشمیر میں 15سے 17سال تک کے عمر کے بچوں کوتین جنوری سے ویکسنیشن کے دائرے میں لانے کے لئے محکمہ صحت کو متحرک کیا گیا ہے ۔ ڈائریکٹرہیلتھ سرو س کشمیر ڈاکٹرمشتاق احمد نے کہا کہ کوچنگ ٹیوشن سینٹروں اسکولوں کالجوں سے باضابطہ طور پر ٹیکہ کاری کے سلسلے میں جانکاری حاصل کی گئی ہے اور تین جنوری سے وادی بھر میں 15-17سال تک کے عمر کے بچوں کوٹیکہ کاری کے دائرے میں لایاجارہاہے ۔انہوںنے کہاکہ محکمہ ہیلتھ کوپوری طرح سے صورتحال سے نمٹنے کے لئے تیار کیاگیا ہے اور فرنٹ لائن پراپنی خدمات انجام دینے والے ڈاکٹرنرسیں پیرا میڈیکل عملہ اس سلسلے میں ہرطرح کی خدمات انجام دینے کےلئے تیار ہے۔ انہوںنے کہا کہ بوسٹرڈوز10جنوری سے شروع کیاجائےگا۔ انہوںنے کہاکہ وادی کشمیرمیں پہلے ہی 95%لوگوں کوٹیکہ کاری کے دائرے میں لایا گیاہے اور بوسٹرڈوز کے لئے تمام اقدامات اٹھائے گئے ہےں۔انہوں نے کہا کہ کووڈ 19گائیڈ لائنوں پر عمل پیرا رہنے سے ہی اس وباءسے خلاصی ممکن ہے اسلئے لوگوں کو چاہئے کہ وہ کووڈ گائیڈ لائنوں پر مکمل عمل کریں اور کسی بھی طرح کے ہجوم سے بچیں اس کے ساتھ ساتھ ماسک کا استعمال بھی لازمی ہے ۔