سرحدوں پر امن کے قیام کی خواہشمند تاہم کوئی کارورائی ہوئی تو آگے نہیں دیکھا جائے گا /لیفٹنٹ جنرل نروانے

بھارتی فوج چین یا پاکستان کی کسی بھی جارحیت کا منہ توڑ جواب دینے کی صلاحیت رکھتی ہے کی بات کرتے ہوئے فوجی چیف ایم ایم نروانے نے کہا کہ ہم اپنی سرزمین کی حفاظت کرنے کے ساتھ ساتھ سرحدوں پر امن کے متلاشی ہے تاہم اگر کسی کو امن پسند نہیں تو اس کو اسی کی زبان میں جواب دینا بھی جاتے ہیں ۔مانیٹرنگ کے مطابق نئی دلی میں ایک تقریب کے بعد میڈیا سے بات کرتے ہوئے فوجی چیف ایم ایم نروانے نے کہا کہ اپنی سرزمین کی سرحد کی حفاظت کےلئے معمور فوج جو اس منفی درجہ حرارت میں اپنی ڈیوٹی انجام دے رہے ہیں کو ہر ممکن ضروریات فراہم کررہے ہیں ۔ انہوں نے کہا کہ چین کی ہٹ دھرمی کے نتیجے میں دونوں جانب فوج کو اس علاقے میں قیام کرنا پڑا جہاں پر کوئی بھی جاندار زندہ نہیں رہ سکتا ہے ۔ فوجی چیف نے اس موقعے پر کہا کہ جموں کشمیر کی سرحدیں ہوں یا لداخ کی برفیلی سرحدیں ہوں ہماری فوج جس بہاردی کے ساتھ اپنے فرائض انجام دے رہے ہیں ہمارے پڑوسی ممالک کی سمجھ میں آگیا ہے کہ بھارت کسی بھی جارحیت کو برداشت نہیں کرسکتا ہے ۔ نروانے نے کہا کہ چین نے ماہ مئی میں جو مشرقی لداخ کے گلوان اور دیگر مقامات پر اپنی فوج تعینات کی تھی اس کے برخلاف بھارت فوج کی پیش قدمی کے بعد جو حالات وہاں پیدا ہوئے وہ چین کےلئے ایک سبق ہے خاص کر جون جولائی میں جس قدر لداخ میں بھارتی فوج نے مستعدی کا مظاہرہ کیا چین نے وہ دیکھ لیا اور اب وہ شائد دوبارہ ایسی غلطی دوہرانے کی ہمت نہیں کرے گا۔ فوجی چیف نے کہا کہ ہندوستانی فو ج پاکستان یا چین کے ساتھ لگنے والی سرحدوں پر امن کے قیام کی خواہشمند ہیں تاہم اگر کوئی امن نہیں چاہتا تو یہ اس کی کمزوروں ہے تاہم ہم اس کا بھرپور جواب دینے کے اہل ہیں ۔